ԳԱԼԻՖՈՐՆԻՈՅ ԾԵՐԱԿՈՅՏԸ ԸՆԴՈՒՆԵՑ ՀԱՅՈՑ ՑԵՂԱՍՊԱՆՈՒԹԵԱՆ ԴԱՍԱՒԱՆԴՄԱՆ ՄԱՍԻՆ ԲԱՆԱՁԵՒԸ

0
108

Գալիֆորնիա նահանգի ծերակոյտը միաձայնութեամբ  ընդունեց  Հայոց Ցեղասպանութեան դասաւանդման մասին (Armenian Genocide Education Act(AB 1915) բանաձեւը:

Ձայներու 36/0 յարաբերակցութեամբ ծերակոյտը ընդունեց  օրէնք, որուն մէջ, յատկապէս, Հայոց Ցեղասպանութենէն փրկուածներու եւ ականատեսներու բանաւոր վկայութիւնները կը ներառուին Գալիֆորնիոյ անվճար միջնակարգ դպրոցներու մարդու իրաւունքներու առարկայի ծրագրերուն մէջ եւ կը խրախուսեն նահանգի ու տեղի մասնագիտական զարգացման նախաձեռնութիւններուն նիւթեր տրամադրել ուսուցիչներուն` Հայոց Ցեղասպանութեան մասին դասաւանդելու համար:

Նախագիծին հեղինակն է ծերակոյտի անդամ Ատրին Նազարեանը: Ապրիլին,Գալիֆորնիոյ նահանգային ժողովը միաձայնութեամբ քուէարկած էր սոյն բանաձեւը, որուն լոյսին տակ  ան  փոխանցուած էր   Ծերակոյտին:

Նշենք, թէ 1985-ին,Գալիֆորնիոյ մէջ ընդունուած էր օրէնք, ըստ որուն ՀայոցՑեղասպանութեան դասաւանդումը ներառուած էր հասարակական գիտութիւններու կրթական ծրագրերու մէջ:

LEAVE A REPLY

Please enter your comment!
Please enter your name here