ՍԱԼԱՄ՝ ԱՌԵՒԱՆԳՈՒԱԾ ԶԻՆՈՒՈՐԱԿԱՆՆԵՐՈՒՆ ՀԱՐՑԸ ԶԳԱՅՈՒՆ Է ԵՒ ԿԸ ԿԱՐՕՏԻ ՅԱՏՈՒԿ ՀՈԳԱՏԱՐՈՒԹԵԱՆ

0
113

 Վարչապետ Թամամ Սալամ, վարչապետարանին մէջ ընդունեց արտաքին գործոց նախարա Ժըպրան Պասիլը եւ անոր հետ քննարկեց   2 Սեպտեմբերին, Նիու Եորքի մէջ ՄԱԿ-ի ընդհանուր խորհուրդի նիստերուն Լիբանանի   մասնակցութեան նախապատրաստութիւնները: Ապա, Սալամ այցելեց Այն Էլ Թինէ եւ խորհրդակցութիւն մը ունեցաւ խորհրդարանի նախագահ Նեպիհ Պըրրիի հետ: Պըրրի՝ վարչապետը դրաւ Լիբանանի մօտ ՄԱԿ-ի Ապահովութեան Խորհուրդի մնայուն անդամ հինգ պետութիւններու դեսպաններուն հետ ունեցած հանդիպումին մթնոլորտին մէջ: Հանդիպումէն ետք, Սալամ յայտարարեց, թէ Պըրրիի հետ քնանրկած էր նախագահական ընտրութիւններու թղթածրարը, ինչպէս նաեւ   առեւնանգեալ   զինուորականներուն   հարցը: Վարչապետը դիտել տուաւ, թէ առեւանգուած զինուորականներուն հարցը բաւական զգայուն ըլլալով, մասնայատուկ   հոգատարութեան եւ   մօտեցումի կը կարօտի, իսկ կառավարութիւնը ճիգ չի խնայեր զանոնք ազատ արձակելու ուղղութեամբ: Ծայրայեղականներու կողմէ առեւանգուած զինուորներուն եւ ապահովութեան ծառայողներուն թղթածրարը պիտի   դառնայ լիբանանեան կառավարութեան այսօրուան   նիստին գլխաւոր օրակարգը:   Կառավարութիւնը շատ հաւանաբար ընդհանուր անվտանգութեան ընդհանուր տնօրէն Ապպաս Իպրահիմը պաշտօնապէս լիազօրէ   վարելու առեւանգեալները ազատ արձակելու   բանակցութիւնները: Ներքին գործոց նախարար Նիհատ Մաշնուք   կանխաւ իր համամտութիւնը յայտնած է Իպրահիմի նշանակումին վերաբերեալ:

Խորհրդարանի նախագահ Նեպիհ Պըրրի հեռախօսազրոյց մը ունեցաւ նախկին վարչապետ Սաատ Հարիրիի հետ եւ քննարկեց   լիբանանեան բանակին եւ ապահովական կառոյցներուն խոստացուած մէկ միլիառ տոլարի օժանդակութիւնը   շուտափոյթ գործադրութեան դնելու կարելիութիւնները: Պըրրի՝ Հարիրիէն նաեւ խնդրեց,որ  գահաժառանգ իշխան Սելմէն Պըն Ապտէլ Ազիզ, յառաջիկայ օրերուն Փարիզ կատարելիք այցելութեան ընթացքին աշխոյժացնէ   Սէուտական Արաբիոյ կողմէ լիբանանեան բանակին   խոստացուած   օժանդակութեան գործադրութիւնը:

Պըրրի, Այն Թինէի մէջ ընդունած երեսփոխաններուն առջեւ խօսք առնելով   յոյս յայտնեց,որ Թեհրան-Ռիատ փոխհասկացողութիւնը իր դրական դերակատարութիւնը ունենայ լիբանանեան ե շրջանային զարգացումներուն վրայ:

Երեսփոխան Սամիր Ճըսր  նշեց,թէ Սէուտական Արաբիոյ օժանդակութեան   հիմնական նպատակը՝ լիբանանեան բանակը զէնքով   օժտել եւ ահաբեկիչները   հարուածել է: Ճըսր ըսաւ,թէ բանակին վերապահուած է յստակացնելու իր պահանջները: Ճըսր ցաւ յայտնեց, թէ նախագահական ընտրութիւններու վերաբերեալ չկան լուրջ նախաձեռնութիւններ:

LEAVE A REPLY

Please enter your comment!
Please enter your name here