ԼԻԲԱՆԱՆԵԱՆ ԿԱՐՃ ԼՈՒՐԵՐ

0
117

–         Մարոնիներու Պշարա Ռայի գարտինալը մեկնեցաւ Վատիկան: Ռայի, Պէյրութի միջազգային   օդակայանին մէջ լրագրողներուն ուղղած   հարցումներուն պատասխանելու ընթացքին պահանջեց, որ յետ այսու պաշտօնական   թեկնածութիւններու յայտարարութեան հիման վրայ տեղի ունենան նախագահական ընտրութիւնները, ինչպէս նաեւ խորհրդարանին համար պարտադիր դառնայ նախագահի ընտրութիւնը,որպէսզի նոր թափուր մը չգոյանայ վեց տարի ետք: Գարտինալ Ռայի, սկզբունքով 2 Սեպտեմբերին պիտի վերադառնայ Լիբանան:

–         Մուսթաքպալ Հոսանքի անդամ, երեսփոխան Սամիր Ճըսր յայտնեց,թէ   նախագահի ընտրութեան նիստերը պոյքոթի ենթարկող կողմերն են խորհրդարանին պաշտօնավարութեան երկարաձգումը պահանջողները: Ճըսր   քննադատեց կարգ մը շրջաններու մէջ սեփական անվտանգութեան հսկողութիւն ստեղծելու եւ ինքնազինումի   երեւոյթները, աւելցնելով որ միակ լուծումը կը կայանայ բանակը զինելու եւ պարտադիր զինուորական ծառայութիւն ստեղծելու որոշումին մէջ:

–         Երեսփոխան Ժան Օղասապեան   յայտարարեց,թէ Հըզպալլա կը խուսափի նախագահական ընտրութիւններէն եւ Միշէլ Աունի ետին   ճակատ բացած է նախագահական ընտրութիւններուն դէմ: Օղասապեան հարց տուաւ՝   Հըզպալլա արդեօ՞ք իսկապէս  կը փափաքի նախագահական ընտրութիւններ…:

–         Լիբանանեան բանակը այսօր առաւօտեան պիտի ստանայ երկար ժամանակէ իվեր խոստացուած ամերիկեան ռազմական   օժանդակութիւններուն մէկ մասը: Յանձնման արարողութեան   ներկայ պիտի   գտնուին ամերիկեան դեսպանատան պաշտօնակատարներ եւ լիբանանեան բանակի սպաներ:

–         Զինուորական ատեանի դատախազ Թարէք Շանտապ հարցաքննեց ահաբեկիչ Իմէտ Ժըմաան: Վերջինս   հերքեց զինեալ կազմակերպութեան մը մաս կազմելու իր հասցէին ուղղուած ամբաստանութիւնները:

LEAVE A REPLY

Please enter your comment!
Please enter your name here