ՈՒԱՇԻՆԿԹԸՆ ԿԸ ՔՆՆԱԴԱՏԷ ՈՒՔՐԱՆԻՈՅ ՄԷՋ ՌՈՒՍԻՈՅ ԶԻՆՈՒՈՐԱԿԱՆ ՄԻՋԱՄՏՈՒԹԻՒՆԸ

0
98

Միացեալ Նահանգներու պետական   քարտուղարութիւնը յայտարարեց, թէ Ռուսիա Ուքրանիա ղրկած է     հրասայլերու, զրահամեքենաներու եւ հրթիռներու նոր շարասիւներ: Պետական քարտուղարութեան խօսնակ Ճէն Փսաքի մտահոգութիւն յայտնեց,որ Տոնեցքի եւ Լուկանսքի շրջանի ռուսամէտ ուժերը հակայարձակողականի անցած են ուքրանական բանակին դէմ:

Տոնեցքի   ժողովրդական     հանրապետութեան վարչապետ Ալեքսանտր Զախարչենքօ յայտարարեց, թէ ռուսամէտ զինեալներուն միացած են Ռուսիայէն ժամանած 3-4 հազար կամաւորներ: « Այսօր   շատ հարցեր կու տան այն մասին, թէ   ինչպէ՞ս կամաւորական բանակը վերածուեցաւ հզօր կազմակերպութեան, որ ոչ միայն կրնայ   դիմակայել Ուքրանիոյ բանակին,այլեւ՝   յաղթանակ տանիլ   պատերազմի դաշտին վրայ: Քիեւի եւ Արեւմուտքի մէջ   կը կրկնեն ռուսական զինուած   ուժերու ներխուժման մասին, որպէսզի արդարացնեն ուքրանական բանակին ձախողութիւնները». ըսաւ Զախարչենքօ:

Եւրոպայի մէջ ՆԱԹՕ-ի ուժերու գերագոյն գլխաւոր   հրամանատարի նախկին տեղակալ, զօրավար Ռիչարտ Շերիֆ յայտարարեց, թէ ՆԱԹՕ-ի երկիրները պատրաստ չեն Ռուսիոյ սպառնալիքներուն:

Ուքրանիոյ մէջ սկսաւ խորհրդարանական ընտրութիւններու քարոզարշաւը: Նշենք, թէ նախագահ Փիոթր Փորոշենքոյի հարամանագիրով, Ուքրանիոյ մէջ 26 Հոկտեմբերին տեղի պիտի ունենան խորհրդարանի արտակարգ ընտրութիւններ:

LEAVE A REPLY

Please enter your comment!
Please enter your name here