ԱՐՍԷԼԻ ՏԱԳՆԱՊԸ ԲԱՒԱԿԱՆ ՀԵՌՈՒ ԿԸ ՄՆԱՅ ԼՈՒԾՈՒՄԻ ԸՆՏՐԱՆՔԷՆ

0
111

Հակառակ   լիբանանեան բանակին ահազանգային վիճակին եւ քաղաքական հոսանքներու զգօնութեան կոչերուն, Արսէլի կացութիւնը կը մնայ խիստ վտանգաւոր: Անցնող ժամերուն,   դարձեալ ընդմիջումով բախումներ տեղի ունեցան բանակին եւ զինեալներուն միջեւ: Ականատեսներու վկայութեամբ, բանակը յաջողած է չէզոքացնել տասնեակաւոր ահաբեկիչներ եւ կը կատարէ խուզարկութիւններ:

Ներքին գործոց նախարար Նիհատ Մաշնուք   յայտնեց, թէ   բանակի հրամանատարութիւնը   յատուկ յանձնախումբ մը կազմած է ստուգելու սպաննոած բանակայինին տեսագրութիւնը:Սակայն,տասնապետ Ալի Սէյիտի հայրը հաստատեց իր զաւակին սպանութեան լուրը:  

Աքքարի եւ Լիբանանի տարբեր շրջաններու մէջ, բանակի զօրակցութեան նստացոյցեր   տեղի ունեցան երէկ:

Վարչապետ Թամամ Սալամ գլխաւորեց ապահովական արտակարգ նիստին եւ քննարկեց Արսէլի զարգացումները: Սալամ նաեւ ընդունեց հանրապետութեան նորընտիր միւֆթի Ապտէլ Լաթիֆ Տըրիանը, Անթաքիոյ եւ   համայն Արեւելքի յոյն Ուղղափառ համայնքի Կրեկորիոս Լահամ պատրիարքը, արաբական դրամատուներու միութեան նախագահ դոկտ. Ժոզէֆ Թարապէյը եւ այլ անձնաւորութիւններ:

Խորհրդարանի նախագահ Նեպիհ Պըրրի իր այցելուներուն յայտնեց,թէ որեւէ յառաջդիմութիւն չի նշմարեր նոր նախագահի ընտրութեան վերաբերեալ տեղի ունեցող խորհրդակցութիւններուն մէջ: Քաղաքական դէտեր կը յայտնեն, թէ Ուալիտ Ճոմպլաթ քուլիսներու ետին կ’աշխատի մեծամասնութիւն գոյացնել Ժան Օպէյտի անուան շուրջ:

LEAVE A REPLY

Please enter your comment!
Please enter your name here