ԵՒՐՈՊԱԿԱՆ ՄԻՈՒԹԻՒՆԸ ՊԻՏԻ ՔՆՆԱՐԿԷ ՈՒՔՐԱՆԻՈՅ ՀԱԿԱՄԱՐՏՈՒԹԻՒՆԸ

0
147

Ուքրանիոյ հակամարտութիւնը նոր Պաղ Պատերազմի մը ուրուականով կը սպառնայ  Արեւմուտքին եւ Ռուսիոյ: Արդարեւ, ՄԱԿ-ի Ապահովութեան Խորհուրդը արգելափակեց   Ուքրանիոյ արեւելեան շրջաններուն համար զինադադար գոյացնելու մասին Ռուսիոյ կողմէ ներկայացուած բանաձեւ մը: ՄԱԿ-ի մօտ Ռուսիոյ դեսպան Վիթալի Չուրքին ապակառուցողական նկատեց Ապահովութեան Խորհուրդին   քայլը:

Միացեալ Նահանգներու նախագահ Պարաք Օպամա յայտարարեց, թէ Ռուսիա «լրացուցիչ գին» պիտի վճարէ, Ուքրանիոյ լարուածութիւնը մագլցումի երթալու պարագային: Ան սպառնաց նոր պատժամիջոցներով սպառնաց Ռուսիոյ՝  իր եւրոպացի գործընկերներուն հետ: Օպամա   նշեց,թէ յառաջիկայ շաբթուան ընթացքին Ուէյլզի մէջ (Կալէս) պիտի մասնակցի ՆԱԹՕ-ի գագաթաժողովին եւ քննարկէ Ռուսիոյ դէմ նոր պատժամիջոցներու կարելիութիւնները:

Ռուսիա   հերքեց Ուքրանիոյ հողերէն ներս թափանցելու մասին Արեւմուտքին ամբաստանութիւնները:

Եւրոպական Միութեան անդամ պետութիւններու նախագահները եւ   կառավարութեան ղեկավարները Շաբաթ օր պիտի գումարեն արտակարգ նիստ մը եւ քննարկեն Ուքրանիոյ իրավիճակը: Սոյն յայտարարութիւնը կատարեց Գերմանիոյ վարչապետ Անկելա Մերքէլը, աւելցնելով որ Եւրոպական Միութիւնը պիտի քննարկէ Ռուսիոյ դէմ նոր պատժամիջոցները: Մերքէլ յայտնեց,թէ անհետեւանք պիտի չմնան Ուքրանիոյ մէջ Ռուսիոյ քայլերը: Աւստրիոյ արտաքին գործոց նախարար Սեպասթիան Քորց , Մոսկուայէն պահանջեց յարգել Ուքրանիոյ գերիշխանութիւնը:

Միւս կողմէ, Քիեւ յայտարարեց, թէ   գերիներու փոխանակում կատարուած է արեւելեան Ուքրանիոյ մէջ: ՄԱԿ-ի տուեալներով, Ուքրանիոյ հակամարտութեան զոհերուն թիւը 2600-ի   բարձրացած է:

Ուքրանիոյ նախագահ Փիոթր Փորոշենքօ, 18 Սեպտեմբերին պիտի այցելէ Ուաշինկթըն եւ հանդիպում մը ունենայ նախագահ Պարաք Օպամայի հետ:

 

LEAVE A REPLY

Please enter your comment!
Please enter your name here