Սիւնիքի Մարզպետարանին Յանձնուած Են Ականազերծուած Ու Ստուգուած Տարածքներ

0
133

ԵՐԵՒԱՆ, «Ազատութիւն».– 28 Օգոստոսին Հայաստանի Սիւնիքի մարզի Շուռնուխ համայնքին մէջ հակաականային գործողութիւններու ազգային մարմինը՝ «Հումանիտար ականազերծման եւ փորձագիտական կենտրոն»ը (ՀԱՓԿ–ՊՈԱԿ) ականազերծուած եւ ստուգուած տարածքներ յանձնած է Սիւնիքի մարզպետարանին:
2012-2013 թուականներուն ՀԱՓԿ–ՊՈԱԿին եւ Զուիցերիական ականազերծման հիմնարկին կողմէ իրականացուած ոչ թեքնիք հետազօտութիւններու իբրեւ արդիւնք յայտնաբերուած է, որ Շուռնուխ համայնքին մէջ կան երկու տարածքներ, որոնք կը նկատուեն վտանգաւոր։ Ուստի, այդ տարածութիւնները չէին օգտագործուեր համայնքի բնակչութեան կողմէ: Միացեալ Նահանգներու արտաքին գործոց նախարարութեան գրասենեակի ֆինանսական աջակցութեան շնորհիւ 2014 Ապրիլին ՀԱՓԿ–ՊՈԱԿի պատուէր-առաջադրանքով «ՀԱԼՕ Թրաս»չ կազմակերպութիւնը Հայաստանի պաշտպանութեան նախարարութեան խաղաղապահ երկրաչափական գումարտակի սակրաւորներուն մասնակցութեամբ սկսաւ աշխատանքներուն եւ 26 Օգոստոսին յաջողութեամբ աւարտեց այս տարածքներու ամբողջական ականազերծման գործը։

LEAVE A REPLY

Please enter your comment!
Please enter your name here