ԻՐԱՔԻ ԲԱՆԱԿԸ Կ’ԱԶԱՏԱԳՐԷ ԿԱՐԳ ՄԸ ՇՐՋԱՆՆԵՐ

0
118

Ամերիկեան օդուժը   հետեւողական արշաւներ կը կատարէ   հիւսիսային Իրաքի մէջ Տաաշի դիրքերուն վրայ: Յարձակումներուն հետեւանքով, Տաաշ սկսած է կորսնցնել կարգ մը շրջաններ: Իրաքի խորհրդարանի նախագահ Սելիմ Ճապուրի դրուատեց   Տաաշի   հակակշիռէն   գիւղեր ազատագրելու գործողութիւններուն մէջ Փեշմարքայի   դերակատարութիւնը: Ֆրանսայի նախագահ Ֆրանսուա Հոլանտ   խոստացաւ արդիական զէնքերով օժտել իրաքեան   բանակը:

Նախկին վարչապետ Նուրի Մելիքի այցելեց Ամրլի   քաղաքը: Իրաքեան բանակը յաջողեցաւ Ամրլին ազատագրել   Տաաշի զինեալներէն:

Սէուտական Արաբիոյ Ապտալլա Պըն Ապտէլ Ազիզ թագաւորը զգուշացուց Արեւմուտքը, յայտարարելով թէ   ծայրայեղականները կրնան Միացեալ Նահանգներու եւ Եւրոպայի վրայ յարձակիլ եթէ անոնց դէմ չձեռնարկուին կանխամիջոցներ:

Միւս կողմէ, ՄԱԿ-ի Ապահովութեան Խորհուրդի պաշտօնակատար մը հաւաստեց, թէ   կարելի եղած է փրկել Կոլանի բարձունքին վրայ առեւանգուած ՖԻՒՆԻԼ-ի խաղաղապահներէն   30-ը: Տաաշի մօտ տակաւին կը մնան 14 խաղաղապահնհր:

LEAVE A REPLY

Please enter your comment!
Please enter your name here