ՉԵԼՍԻ ՎԵՑ ԿՈԼ ՆՇԱՆԱԿԵՑ – ՍԻԹԻ ԵՒ ՌԷԱԼ ՊԱՐՏՈՒԵՑԱՆ

0
142

Անգլիոյ ֆութպոլի ախոյեանութեան երրորդ   հանգրուանի մրցումներուն,Սթոք Սիթի՝ 1-0 արդիւնքով   պարտութեան մատնեց Մանչեսթըր Սիթիին, այս վերջնոյն դաշտին մէջ:   Մամա Պիրամ Տիուֆ նշանակեց «Տը Փոթըրզ»ներուն եւ մրցումին միակ կոլը: Պարտութիւնը ծանր հետեւանք կրնայ ունենալ Սիթիի համար,որովհետեւ անոր անմիջական մրցակիցը՝ Չելսի, Կուտիսըն Փարք մարզադաշտին մէջ՝ 6-3 արդիւնքով պարտութեան մատնեց տեղւոյն Էվըրթընին: Տիէկօ Գոսթա (2), Պրանիսլաւ Իվանովիչ,Ռամիրէզ, Նեմանիա Մաթիչ, Սիմոս Գոլման(սեփական բերդէն ներս):   Նշենք, թէ Աթլեթիքօ Մատրիտէն   Չելսիի միանալէ ետք, Գոսթա կը նշանակէ իր չորրորդ կոլը: Շաբաթավերջին, Չելսի յաջողեցաւ իր կազմին միացնել Քուինզ Փարք Ռէյնճըրզի յարձակող Լուաք Ռեմին:

Մանչեսթր Եունայյթըտ՝ 0-0 արդիւնքով հաւասարութիւն մը արձանագրեց Պըրնլիի դէմ: Անխէլ Տի Մարիա առաջին անգամ ըլլալով Եունայթըտի շապիկով ներկայացաւ դաշտ, փոխան՝ 59.7 միլիոն սթերլին գումարի Ռէալ Մատրիտէն փոխանցումէն ետք: Մարզիչ Լուի Վան Կալ՝ Եունայթըտի համակիրներուն համբերատարութեան կոչ ուղղեց,աւելցնելով թէ բաւական լուրջ աշխատանք կայ կատարուելիք: Լուի Վան Կալ   կը փորձէ իր կազմին մէջ ունենալ   Տալէյ Պլինտը եւ Արթուրօ Վիտալը: Լիվըրփուլ, Լոնտոնի մէջ 3-0 արդիւնքով պարտութեան մատնեց տեղւոյն Թոթենհամը: Ռահիմ Սթերլինկ, սթիվըն Ճեռարտ եւ Ալպերթօ Մորենօ   նշանակեցին «Կարմիրներ»ուն կոլերը: Խմբապետ Սթիվըն Ճեռարտ իր 672-րդ մրցումը կը կատարէր   Լիվըրփուլի շապիկով: Այդ միջոցին ան նշանակած է   174 կոլ:

Սուանսի Սիթի՝ 3-0 արդիւնքով պարտութեան մատնեց Ուեսթ Պրոմուիչ Ալպիոնը: Նշենք, թէ Սուանսի՝ երեք մրցումներէ ետք ապահոված է առաւելագոյն՝   ինը կէտ: Սաութեմթըն՝ 3-1 արդիւնքով պարտութեան մատնեց Ուեսթ Համ Եունայթըտը: Ներկայիս, Չելսի եւ Սուանսի Սիթի, երեք մրցումներէ ետք՝ ինը կէտով միասնաբար կը գլխաւորեն ընդհանուր դասաւորումը: Արսենալ՝ 1-1 արդիւնքով հաւասարութիւն մը արձանագրեց Լեսթըր Սիթիին հետ:

Գերմանիոյ մէջ, հակառակ իր կազմին մէջ Ռոպերթ Լեվանտովսքիի ներկայութեան, Պայերն Միւնիխ՝ 1-1 արդիւնքով հաւասարութեամբ մը գոհացաւ Շալքէ 04-ի դէմ: Փաստօրէն, ախոյեանութեան երկրորդ հանգրուանի մրցումներէն ետք, հարիւր տոկոսանոց միակ խումբը մնաց Պայէր Լեվերքուզենը: Վերջինս՝ 4-2 արդիւնքով պարտութեան մատնեց Հերթա Պերլինը: Պունտսլիկայի առաջին դասակարգ նոր բարձրացած Պատերպորն՝ 3-0 արդիւնքով պարտութեան մատնեց   Համպուրկը: Միւս կողշմէ, շնորհիւ Եույա Օսաքուի եւ Ռոպերթօ Ֆիրմինոյի կոլերուն,   Գէոլն՝ 2-0 արդիւնքով   յաղթանակ մը արձանագրեց   Շթութկարթի դէմ:

Պորուսիա Տորթմունտ՝   3-2 արդիւնքով պարտութեան մատնեց Օկսպուրկը: Մարքօ Ռէոյս, Սոքրաթիս Փափասթաթոփուլոս եւ Ատրիան Ռամոս նշանակեցին Տորթմունտի կոլերը:

Ֆրանսայի մէջ Մոնաքօ կը շարունակէ իր ձախող ելոյթներու շարքը: Շաբաթավերջին Մոնաքօ՝ 1-1 արդիւնքով հաւասարութիւն մը արձանագրեց Լիլի դէմ: Տիմիթար Պերպաթով նշանակեց Մոնաքոյի որբ կոլը:   Նշենք, թէ Մոնաքոյի կազմէն կը բացակայէր Ռատամէլ Ֆալքաօն: Վերջինս յառաջիկայ ժամերուն պաշտօնապէս պիտի միանայ Մանչեսթըր Սիթիին կամ՝ Ռէալ Մատրիտին: Նանթ՝ 1-0 արդիւնքով պարտութեան մատնեց Մոնփելիյէին: Սերժ Կաքփ   նշանակեց մարզիչ Միշէլ Տէր Զաքարեանի կազմին յաղթանակի կոլը: Մարսէյ նշեց եղանակի երկրորդ յաղթանակը,երբ 4-0 արդիւնքով պարտութեան մատնեց Նիսը: Տիմիթրի Փայէ(2), Ֆլորիան Թովին եւ Ապտէլազիզ Պարատա   նշանակեցին Մարսէյի կոլերը: Փարի Սէն Ժերմէն՝   5-0 արդիւնքով   ջախջախեց Սէն Թեթիէնին: Զլաթան Իպրահիմովիչ նշանակեց երկու կոլ: Մեց՝   2-1   արդիւնքով պարտութեան մատնեց Լիոնին: Պորտոյի հարիւր առ հարիւր ցուցանիշը փուլ եկաւ, երբ   1-1 արդիւնքով հաւասարութիւն մը արձանագրեց Պասթիայի դէմ:

Իտալիոյ ախոյեան Եուվենթուս յաղթանակով սկսաւ նոր մարզաշրջանը, երբ 1-0 արդիւնքով պարտութեան մատնեց Քիեւօն, այս վերջնոյն դաշտին մէջ: Եուվէի կոլը նշանակեց Քիեւոյի բերդապահ Ֆրանչեսքօ Պարտին՝ սեփական բերդին մէջ: Ա.Սէ. Միլան՝ 3-1 արդիւնքով պարտութեան մատնեց Լացիոյին: Հոնտա եւ Մունթարի (2) նշանակեցին Միլանի կոլերը: Նափոլի՝ 1-0 արդիւնքով պարտութեան   մատնեց Ճենովային: Ճոնաթան Կուզման նշանակեց Նափոլիի յաղթանակի կոլը:

Ռոմա նոյնպէս յաղթանակով սկսաւ մարզաշրջանը,երբ   Սթատիօ Օլիմփիքոյի մէջ՝ 2-0 արդիւնքով պարտութեան մատնեց Ֆիորենթինային: Ռատա Նայնկոլան եւ Ճերվինիօ  նշանակեցին մայրաքաղաքի կազմին կոլերը:

Աթլեթքիքօ Մատրիտ արձանագրեց եղանակի առաջին յաղթանակը, երբ 2-1 արդիւնքով պարտութեան մատնեց Էյպարը:   Միրանտա եւ Մարիօ Մանտուքիչ նշանակեցին Սպանիոյ ախոյեաններուն կոլերը:   Սեւիլա՝ 2-1 արդիւնքով համոզիչ յաղթանակ մը արձանագրեց Էսփանիոլի դէմ: Գարլոս Պաքա եւ Վիչենթէ Իպորա նշանակեցին   Սեւիլիայի կոլերը: Վալենսիա՝ 3-0 արդիւնքով պարտութեան մատնեց Մալակային,մինչ Աթլեթիք Պիլպաօ՝ միեւնոյն արդիւնքով Լեվանթէին: Ռէալ Մատրիտ՝ 4-2 արդիւնքով անակնկալ պարտութիւն մը կրեց ՌԷալ Սոսիետատէն: Սերժիօ Ռամոս եւ Կարէթ Պէյլ նշանակեցին Ռէալի կոլերը: Պարչելոնա՝ 1-0 արդիւնքով դժուար յաղթանակ մը տարաւ Վիլառէալի դէմ:   Սանտրօ նշանակեց գաթալոնական խումբին յաղթանակի կոլը:

 

LEAVE A REPLY

Please enter your comment!
Please enter your name here