ՓՈՒԹԻՆ ԵՒ ՓՈՐՈՇՆՔՕ ՀԱՄԱՁԱՅՆՈՒԹԻՒՆ ԳՈՅԱՑՈՒՑԻՆ ԱՐԵՒԵԼԵԱՆ ՈՒՔՐԱՆԻՈՅ ՇՈՒՐՋ

0
105

Ուքրանիոյ նախագահ Փիոթր Փորոշենքօ  յայտարարեց, թէ  նախագահ Վլատիմիր Փութինի հետ   մնայուն  զինադադարի  համաձայնութիւն մը գոյացուցած է  Տոնեցքի շուրջ: Փորոշենքօ յայտեց, թէ  հեռախօսազրոյց մը ունեցած է  նախագահ Փութինի հետ: Երկու նախագահները առաջնահերթութիւն նկատած են ռազմական  գործողութիւններու կասեցումը եւ մարդասիրական  օժանդակութիւններու բաշխումը:

Նախաագահ  Պարաք  Օպամա  ժամանեց Էսթոնիա: Էսթոնիա՝ Լաթվիայի եւ  Լիթվայի հետ  միասին  անդամ  է  ՆԱԹՕ-ի դաշինքին:Վերոյիշեալ երեք  պետութիւնները   կը պահանջեն   ռազմախարիսխներ  տեղադրել  իրենց  տարածութիւններուն վրայ:  Օպամա՝  Էսթոնիայէն  պիտի  մեկնի  Ուէյլզ (Կալէս), մասնակցելու  ՆԱԹՕ-ի  գագաթաժողովին:

Փենթակոնի  տուեալներով, Ուքրանիոյ  սահմանին շուրջ  տեղակայուած  է առնուազն տասը հազար  ռուս  զինուոր:  Սոյն  յայտարարութիւնը  կատարեց պաշտպանութեան նախարարութեան  մամլոյ  քարտուղար  ծովակալ  Ճոն  Քիրպին: Աւելի  կանուխ,  ՆԱԹՕ՝  քսան հազար կը գնահատէր այդ ներկայութիւնը: Չեխիոյ  վարչապետ  Միլոշ  Զեման  ըսաւ, թէ  Եւրոպական Միութիւնը նոր  պատժամիջոցներու պիտի դիմէ Ռուսիոյ դէմ, եթէ  ապացուցուի Ուքրանիոյ  տարածքին մէջ  ռուսական  զօրքերու ներկայութիւնը:   «Ռուսիա Սիվոտնիա» լրատուական գործակալութիւնը հաղորդեց,թէ իր նկարիչներէն մին՝ Անտրէ  Սթիվըն  սպաննուած է   Արեւելեան Ուքրանիոյ Տոնեցք   քաղաքին մէջ:« ԻԹԱՐ-ԹԱՍՍ» հաշորդեց, թէ  մինչեւ 7  Սեպտեմբեր,  ՆԱԹՕ-ի  չորս  ռազմանաւեր մուտք պիտի գործեն Սեւ Ծով:

LEAVE A REPLY

Please enter your comment!
Please enter your name here