ԿԱՌԱՎԱՐՈՒԹԻՒՆԸ ՅԱՆՁՆԱՌՈՒ ԿԸ ՄՆԱ3 ԱՌԵՒԱՆԳՈՒԱԾ ԶԻՆՈՒՈՐԱԿԱՆՆՐԸ ԱԶԱՏ ԱՐՁԱԿԵԼՈՒ ՊԱՐՏԱԿԱՆՈՒԹԵԱՆ

0
136

Լիբանանեան կառավարութիւնը երէկ առաւօտեան, վարչապետարանին մէջ, վարչապետ Թամամ Սալամի գլխաւորութեամբ գումարեց նիստ մը եւ քննարկեց 39 կէտերէ բաղկացած օրակարգ մը: Օրակարգերէն անկախ   քննարկուեցաւ առեւանգուած զինուորականները արգելափակեալ իսլամիստներու հետ փոխանակելու տարբերակը: Նիստի մուտքին,ներքին գործոց նախարար Նիհատ Մաշնուք յայտնեց, թէ զինուորականները ազատ արձակելու հարցը առաջնայնութիւն պիտի մնայ կառավարութեան նիստին ընթացքին: Վարչապետ Սալամ եւ կարգ մը նախարարներ «օրէնքի սահմաններու» տակ   հաւանութիւն կու տան առաջադրուած այս տարբերակին: Այլ նախարարներ կը մերժեն: Նիստի ընթացքին Սալամ յայտնեց, թէ զինուորականններուն հարցը պէտք է լուծել առանց ոտնակոխելու կառավարութեան հեղինակութիւնը:

Արդրարադատութեան նախարար Աշրաֆ Ռիֆի յայտնեց, թէ առանց քաղաքական հոսանքներուն միջեւ համաձայնութեան,անկարելի պիտի ըլլայ լուծել առեւանգուած զինուորականներուն   հարցը: Հաղորդակցութեան նախարար Պութրոս Հարպ յայտնեց, թէ կառավարութիւնը չի կրնար անտեսել նման  հարցի մը լուծումը: Լաւատեղեակ աղբիւրներու   համաձայն,   տեղական եւ շրջանային տարբեր մակարդակի     բանակցութիւններ տեղի կ’ունենան՝ զինուորական ծառայողները ազատ արձակելու նպատակով:   Հաւաստի աղբիւրներ կը   հաղորդեն, թէ կառավարութիւնը պիտի մերժէ  զինուորականները արգելափակեալներուն հետ փոխանակելու տարբերակը: Ժողովի   ընթացքին, Սալամ յայտնեց, թէ   Փարիզի մէջ նախագահ Ֆրանսուա Հոլանտ եւ Ապտալլա Պըն Ապտէլ Ազիզ վեհապետը մանրամասնօրէն քննարկած են լիբանանեան բանակին օժանդակելու կարելիութիւնները: Սալամ նաեւ նշեց,թէ Ռիատ-Թեհրան   փոխյարաբերութիւններու սերտացումը իր դրական ազդեցութիւնը պիտի ունենայ նելիբանանեան բեմի զարգացումներուն վրայ:

Առեւանգողներուն մօտիկ աղբիւր մը, հեռատեսիլի «Էլ.Պի.Սի» կայանին յայտնած է, թէ որեւէ պայմանի տակ ազատ պիտի չարձակեն զինուորականները:

Նշենք, թէ կառավարութեան նիստին ընթացքին, առեւանգուած զինուորներու   ընտանեկան պարագաները նստացոյց մը կատարեցին վարչապետարանին առջեւ, պահանջելով իրենց զաւակներուն ազատ արձակումը:

Նախագահական ընտրութիւններու գետնի վրայ,   Մարտ 14-ի ուժերը անգամ մը եւ վերահաստատեցին համախոհական թեկնածուի մը անուան շուրջ   համաձայնութիւն գոյացնելու իրենց նախաձեռնութիւնը, պայմանով որ Միշէլ Աուն նոյնպէս ընթացք տայ այս   ընտրանքին:

ԼԻԲԱՆԱՆԵԱՆ ԿԱՐՃ ԼՈՒՐԵՐ

–         Ելեկտրականութեան ընկերութեան սարակները երկխօսութեան առաջարկ մը ներկայացուցին ընկերութեան տնօրէնութեան: Ելեկտրական ընկերութեան տնօրէն նախագահ Քամալ Հայէք ընկերութեան բոլոր կառոյցները դրաւ խորհրդարանին եւ կառավարութեան իրաւասութեան տակ: Հայէք յայտնեց, թէ ընկերութեան առաստաղը օրէնքն է եւ   քաղաքացիներուն ծառայութիւնը:

–         Հանրապետութեան նախկին նախագահ Միշէլ Սըլէյման, Պաապտայի   իր ապարանքին մէջ ընդունեց մարոնիներու խորհուրդի ընդհանուր նախագահ Ուատիյ Խազէնը եւ քննարկեց լիբանանեան բեմի վերջին զարգացումները:

LEAVE A REPLY

Please enter your comment!
Please enter your name here