ՌԱՍՄՈՒՍԵՆ ՄՈՍԿՈՒԱՅԷՆ ՊԱՀԱՆՋԵՑ ԶՕՐՔԵՐԸ ՀԵՌԱՑՆԵԼ ՈՒՔՐԱՆԻՈՅ ՍԱՀՄԱՆԱԳԻԾԷՆ

0
105

Միացեալ Նահանգներու փոխնախագահ Ճօ Պայտըն հեռախօսազրոյց մը ունեցաւ Եւրոպական Խորհուրդի նախագահ Տօնալտ Թասքի հետ եւ քննարկեց Ուքրանիոյ տագնապը: Գերմանիոյ վարչապետ Անկելա Մերքէլ   յայտարարեց, թէ ՆԱԹՕ պիտի բարելաւէ պալթեան   երկիրներու մէջ արագ արձագանգելու   միջոցները: Այսուհանդերձ, ան նշեց,թէ ՆԱԹՕ պիտի չխախտէ Ռուսիոյ հետ   կնքած   համաձայնութիւնը: Ռումանիա հաւանութիւն տուաւ իր տարածութեան մէջ ՆԱԹՕ-ի   օդային խարիսխներ տեղակայելու առաջարկին: Արդէն իսկ Ռուամանիա ժամանած է ՆԱԹՕ-ի 200 զինուոր: Առ ի հետեւանք ռւոսական սպառնալիքին, Ֆրանսա   կասեցուց «Միսթրալ» դասի   ուղղաթիռակիր առաջին ռազմանաւի մատակարարումը:

ՆԱԹՕ-ի ընդհանուր քարտուղար Անտերս Ֆոկ Ռասմուսեն Մոսկուայէն պահանջեց զօրքերը հեռացնել Ուքրանիոյ սահմանամերձ շրջաններէն:

Ռուսիոյ արտաքին գործոց նախարար Սերկէյ Լաւրով յայտարարեց, թէ Ուքրանիոյ հարցով նախագահ Օպամայի հայեցակարգը լաւ բան չի խոստանար տագնապին: Լաւրով սոյն յայտարարութիւնը կատարեց Եւրոպական Խորհրդարանի գլխաւոր   քարտուղար Թորպիորն Եակլանտի հետ   հանդիպման ընթացքին: Լաւրով նշեց, թէ Ռուսիա եւ եւրոպական բազմաթիւ երկիրներ կը փափաքին, որպէսզի ուքրանացի ժողովուրդը իր ողջ բազմազգ միասնութեամբ յաղթանակէ ստեղծուած իրավիճակին:

LEAVE A REPLY

Please enter your comment!
Please enter your name here