ԼԻԲԱՆԱՆԵԱՆ ԿԱՐՃ ԼՈՒՐԵՐ

0
118

–         Հանրապետութեան միւֆթի շէյխ Ապտէլ Լաթիֆ Տըրիան շեշտեց իսլամական համայնքներու միջեւ համագործակցութեան անհրաժեշտութիւնը: Շէյխ Տըրիան յայտնեց,թէ իսլամական համայնքներու միջեւ միասնականութիւնը գլխաւոր երաշխիքն է ազգային   միասնականութեան:

–         Երեսփոխան Ժան Օղասապեան յայտնեց,թէ Տաաշի երեւոյթը շրջանային ըլլալով, համայն Միջին Արեւելքը կը գտնուի անոր սպառնալիքին տակ: Երեսփոխանին կարծիքով, լիբանանեան բանակը բաւարար  զինուժ չունենալու պատճառով չէր   յաջողած վճռել Արսէլի   ճակատագիրը:

–         Երեսփոխան   Սամիր Ճըսր պահանջեց անմիջապէս արդիական զէնքերով օժտել բանակը, որպէսզի կասեցնէ ահաբեկչական գործողութիւններու սպառնալիքը: Ճըսր, ընդունեց Իտալիոյ Ծերակոյտի պաշտանութեան հարցերու նախագահ Նիքոլա Լաթորին եւ քննարկեց   լիբանանեան բեմի վերջին զարգացումները:

–         Զինուորական ատեանի դատախազ Իմէտ Զէյն եօթ կասկածելիներ(մէկ լիբանանցի, վեց սուրիացի)  հարցաքննեց   Իմէտ Ժըմաայի հարցով, ապա ձերբակալութեան հրամանագիր հրապարակեց անոնց դէմ:

–         Պքերքէի մէջ, Իսամ Ֆերիսի անուան   բարգաւաման կեդրոնի բացման հանդիսութեա առիթով արտասանած իր խօսքին մէջ, հանրապետութեան նախկին նախագահ Միշէլ Սըլէյման դիտել տուաւ,թէ խորհրդարանը անհրաժեշտէ, որ քննարկէ նոր նախագահի ընտրութեան համար բոլոր   նախաձեռնութիւնները եւ անմիջապէս նոր նախագահ մը ընտրէ երկրին:

–         Փաղանգաւոր Կուսակցութեան պետ Ամին Ճեմայէլ ընդունեց Համաշխարհային Դրամատան Միջին Արեւելքի շրջանի տնօրէն Ֆարիտ Հաժը եւ քննարկեց Լիբանանի բարգաւաճման հեռանկարները:

LEAVE A REPLY

Please enter your comment!
Please enter your name here