ԻՐԱՔ Կ’ՈՂՋՈՒՆԷ ՏԱԱՇԻ ԴԷՄ ՃԱԿԱՏ ԿԱԶՄԵԼՈՒ ԾՐԱԳԻՐԸ

0
110

Իրաք ողջունեց   Իսլամական Պետութիւն ահաբեկչական կազմակերպութեան դէմ պայքարի համար   միջազգային դաշինք կազմելու վերաբերեալ նախագահ Պարաք Օպամայի ծրագիրը: Արտաքին գործոց նախարար Հոշիար Զեպարի ողջունեց այդ ծրագիրը, զայն նկատելով   Պաղտատի իշխանութիւններուն օգնելու լուրջ քայլ:

Իր կարգին, ՄԱԿ-ի Անվտանգութեան Խորհուրդը   դատապարտեց Տաաշի վայրագութիւնները եւ զայն   չէզոքացնելու կոչ ուղղեց որոշումի տէր մայրաքաղաքներուն: Իրաքի բանակը   Հոզի շրջանը   Տաաշի զինեալներէն ազատագրելէ ետք, ուղղուեցաւ դէպի արեւմտեան Անպար: Ամերիկեան օդուժը շարունակեց հարուածել Տաաշի դիրքերը:

Փենթակոնի աղբիւր մը հաղորդեց, թէ արաբական պետութիւններ նոյնպէս պիտի մասնակցին Տաաշի դէմ զինակցութեան եւ Սէուտական Արաբիոյ նիւթական հովանաւորութեամբ:

Ներքին գետնի վրայ, կառավարութեան վստահութեան քուէ շնորհելու նպատակով խորհրդարանի նիստը անգամ մը եւս յետաձգուեցաւ: Պաղտատի մէջ երկու պայթումներ խլեցին աւելի քան երեսուն քաղաքացիներու կեանք:

LEAVE A REPLY

Please enter your comment!
Please enter your name here