ԼԵՌՆԱՅԻՆ ՂԱՐԱԲԱՂԸ ՊԷՏՔ Է ՄԱՍՆԱԿՑԻ ԲԱՆԱԿՑԱՅԻՆ ԳՈՐԾԸՆԹԱՑԻՆ

0
109

«Ֆրանսայի նախագահ Ֆրանսուա Հոլանտ բոլոր ջանքերը պիտի գործադրէ Հայաստանի եւ Ատրպէյճանի նախագահներու հանդիպումը կազմակերպելու համար,որպէսզի վերջիններս կարենան համաձայնութեան գալ, մասնաւորապէս այն հարցի շուրջ,որ Լեռնային Ղարաբաղի հանրապետութեան ղեկավարութիւնը պէտք է մասնակցի ղարաբաղեան հարցի կարգաւորման շուրջ բանակցութիւններուն»: Սոյն յայտարարութիւնը կատարեցԵւրոպական Խորհուրդի Խորհրդարանական Վեհաժողովի փոխնախագահ, Ֆրանսայի Ազգային Ժողովի անդամ, Ֆրանսայի Ծերակոյտի հայ-ֆրանսական խորհրդարանական խումբի փոխնախագահ, Ալֆորվիլ   քաղաքի նախկին   քաղաքապետ Ռընէ Ռուքէն:

Ֆրանսացի երեսփոխանը պատմեց, որ յաճախ կ’այցելէ Լեռնային Ղարաբաղ եւ լաւ յարաբերութիւններ կը պահպանէ ԼՂՀ ղեկավարութեան հետ: « Լեռնային Ղարաբաղի ղեկավարութիւնը կ’առանձնանայ քաղաքական կայացուածութեան բարձր մակարդակով: Ատրպէյճանցիները, շնորհիւ իրենց նաւթային աղբիւրներուն, միլիոններ կը ծախսեն   Եւրոպական Խորհրդարաններուն մէջ եւ տարբեր լոպպիստական աշխատանքներ կը տանին՝ ի վնաս հայկական կողմին: Ատրպէյճանի այդ քայլերը հայկական պատուիրակութեանը, ինչպէս նաեւ հայկական կողմի սատարող օտարերկրեայ քաղաքական գործիչներուն կը պարտաւորեցնեն ատրպէյճանական լոպպիստական նախաձեռնութիւններուն հակազդեցութեան համար գործադրելու բոլոր հնարաւոր ջանքերը». ընդգծեց Ռընէ Ռուքէ:

 

LEAVE A REPLY

Please enter your comment!
Please enter your name here