ՔԻԵՒ ՅԱՏՈՒԿ ԿԱՐԳԱՎԻՃԱԿ ՊԻՏԻ ՇՆՈՐՀԷ ԱՐԵՒԵԼԵԱՆ ՈՒՔՐԱՆԻՈՅ ԿԱՐԳ ՄԸ ՇՐՋԱՆՆԵՐՈՒ

0
172

Ուքրանիոյ նախագահ Փիոթր  Փորոշենքոյի  գլխաւորած « Փիոթր Փորոշենքօ Դաշինք» Կուսակցութեան  նախագահ,  Փորոշենքոյի  խորհրդական  Եուրի Լուցենքօ  յայտարարեց, թէ  Տոնեցքի  շրջանին մէկ երրորդը  պիտի ստանայ  յատուկ  կարգավիճակ, սակայն պիտի մնայ  Ուքրանիոյ կազմին մէջ:

Լուցենքօ   նշեց, թէ յատուկ կարգավիճակ պիտի ստանան  Տոնեցքի եւ Լուկանսքի  կարգ մը շրջաններ: Ան ընդգծեց, թէ  «յատուկ գօտի» պիտի ստեղծուի այդ շրջաններուն մէջ:  Լուցենքօ  շեշտեց, թէ  Մինսքի  մէջ  տեղի ունեցող բանակցութիւնները կ’երաշխաւորեն  Ուքրանիոյ հողային ամբողջականութիւնը:

Ուքրանիոյ պաշտպանութեան նախարարութեան խօսնակ մը յայտարարեց, թէ  Արեւելեան Ուքրանիոյ հետ զինադադարի համաձայնութիւնը կնքուելէ ետք,  չորս զինուորներ սպաննուած եւ  29 ուրիշներ  վիրաւորուած են  կողմերուն միջեւ  տեղի ունեցող  ընդմիջումով  բախումներուն  ընթացքին:

Միւս կողմէ,  Եւրոպական  Միութիւնը  ժամանակաւորապէս սառեցուց Ռուսիոյ  դէմ նոր պատժամիջոցներու գործադրութիւնը:Սակայն, Միացեալ  Նահանգներ պահանջեց անյապաղ  գործադրութեան  դնել պատիժներու նոր  ծրարը:

 

LEAVE A REPLY

Please enter your comment!
Please enter your name here