ՔԵՐՐԻ ՏՆՏԵՍԱԿԱՆ ԵՐԱՇԽԻՔՆԵՐ ՊԻՏԻ ՊԱՀԱՆՋԷ ԱՐԱԲԱԿԱՆ ԱՇԽԱՐՀԷՆ

0
118

Միացեալ Նահանգներու պետական քարտուղար Ճոն Քերրի ժամանեց Պաղտատ: Քերրի պիտի փորձէ ապահովել արաբական երկիրներու   տնտեսական աջակցութիւնը՝ Տաաշի դէմ պայքարին: Քերրի յայտարարեց, թէ միջինարեւելեան իր շրջագայութիւնը նպատակադրուած է   կազմակերպելու այսպէս կոչուած իսլամական պետութեան դէմ պայքարը: Պետական քարտուղարը նշեց, թէ աւելի քան   քառասուն պետութիւններ մաս կը կազմեն Տաաշի դէմ նոր զինակցութեան:

Ֆրանսայի նախագահ Ֆրանսուա Հոլանտ,սկզբունքով, վաղը՝ Ուրբաթ կարճատեւ այցելութիւն մը պիտի կատարէ Պաղտատ: Հոլանտ,   երէկ՝ շնորհաւորեց Հայտար Ապատիի գլխաւորած իրաքեան նոր կառավարութիւնը: Ֆրանսայի նախագահը միաժամամանակ   յայտարարեց, թէ սոյն ամսուան 15-ին, միջազգային խորհրդաժողով մը   կազմակերպած է Փարիզի մէջ՝ Տաաշի դէմ պայքարելու   միջոցները քննարկելու նպատակով:

Ռուսիոյ արտաքին գործոց նախարար Սերկէյ Լաւրով դատապարտեց՝ ահաբեկչութեան դէմ պայքարելու կարգախօսին տակ Ուաշինկթընի ցուցաբերած երկակի չափանիշները:

Միացեալ Նահանգներու նախագահ Պարաք Օպամա պատրաստակամութիւն յայտնեց հարուածելու Սուրիոյ մէջ Տաաշի դիրքերը: Ըստ «Տը Նիւ Եորք Թայմզ» օրաթերթին, Օպամա տրամադրուած է ընդլայնելու Տաաշի դէմ գործողութիւններու օղակը:

LEAVE A REPLY

Please enter your comment!
Please enter your name here