ՍԱԼԱՄ ԵՒ ԻՊՐԱՀԻՄ ՊԻՏԻ ՄԵԿՆԻՆ ՔԱԹԱՐ

0
125

Վարչապետ Թամամ Սալամ իր կառավարութեան  միջոցով կը  փորձէ պահպանել  գործադիր  իշխանութեան օրինականութիւնը եւ  երկրին ազգային միասնականութիւնը:Սալամ՝  Կիրակի օր պիտի  մեկնի Քաթար, ուր  հանդիպումներու շարք մը պիտի ունենայ իշխան Թամիմ Պըն Համտալլա Ալ Թանիի  եւ այլ պաշտօնատարներու հետ:  Սալամի պիտի ընկերակցի նախարարական պատուիրակութիւն մը: Քաթարէն  ետք, վարչապետ  Սալամ  պիտի անցնի Արաբական Միացեալ Էմիրութիւններ:

Լիբանանեան  կառավարութիւնը երէկ  գումարեց նիստ մը եւ քննարկեց   երկրին ապահովական իրավիճակը: Կառավարութիւնը ներքին գործոց նախարար Նիհատ Մաշնուքը լիազօրեց կազմելու   խորհրդարանական ընտրութիւնները  վերահսկող    յանձնախումբը:

Լրատուական  աղբիւրներու համաձայն, ընդհանուր անվտանգութեան  ընդհանուր  տնօրէն, հազարապետ Ապպաս  Իպրահիմ   պիտի  ընկերակցի  վարչապետ  Թամամ Սալամի հետ   Քաթար մեկնող պատուիրակութեան:  Իպրահիմ՝ տեղւոյն  վրայ պիտի  քննարկէ առեւանգուած  զինուորականներուն  թղթածրարը:

Լիբանանեան բանակի ընդհանուր  հրամանտար զօրավար  Ժան Քահուաճի յայտարարեց, թէ բանակը  կը  վայելէ   շրջանայինեւ միջազգային  ընտանիքներու զօրակցութիւնը: Քահուաճի մերժեց զինուորականները ահաբեկիչներու  հետ փոխանակելու ընտրանքը, զայն նկատելով ազգային  արժանապատուութեան դէմ  ուղղուած  հարուած: Լիբանանեան  բանակը  շարունակեց  Արսէլի, Թրիփոլիի եւ արեւելեան Պեքաայի մէջ խուզարկութիւնները:  Այդ  միջոցին,  բանակը կատարեց  ձերբակալութիւններ: Բանակը Արսէլի մէջ   չէզոքացուց ականուած ինքնաշարժ  մը:

Նախագահական  ընտրութիւններու ծիրին մէջ,  Փարիզ՝  Թեհրանի եւ Վատիկանի հետ  բանակցութիւններ կը վարէ,  մեծամասնութիւն գոյացնելու համախոհական  թեկնածուի մը  անուան շուրջ:

LEAVE A REPLY

Please enter your comment!
Please enter your name here