664,000 Տոլար Կը Հանգանակուի Ի Նպաստ Գիւմրիի Անօթեւաններուն

0
112

ԵՐԵՒԱՆ, «Ազատութիւն».- Լոս Անճելըսի մէջ, Սեպտեմբեր 7ին Գիւմրիի անօթեւաններուն բնակարաններ տրամադրելու համար կայացած թելեթոնին ընթացքին հանգանակուած է աւելի քան 664 հազար տոլար:
Դրամահաւաքը կազմակերպուած էր Հայաստան Համահայկական հիմնադրամին եւ «Շանթ» կայանին կողմէ։
Հանգանակուած գումարով կը նախատեսուի գիւմրեցի անօթեւան, բազմազաւակ եւ ընկերային անապահով պայմաններու մէջ գտնուող քանի մը տասնեակ ընտանիքներու համար բնակարաններ ապահովել:
Այս նպատակով, «Շիրակ կենտրոն» հասարակական կազմակերպութիւնը տարածած է տեսանիւթեր, ուր ներկայացուած են դժուար պայմաններու տակ ապրող ընտանիքները: Կեդրոնի ղեկավար Վահան Թումասեան կ՛ըսէ, որ անօթեւաններու բնակարաններ յատկացնելու կողքին, շատ կարեւոր է նաեւ աշխարհին ներկայացնել Գիւմրիի իրավիճակը:
«Հայաշատ այլ համայնքներում եւս նախաձեռնութիւններ կան՝ ուղղուած գիւմրեցի անօթեւանների ընկերային խնդիրների լուծմանը», կ՛աւելցնէ Վահան Թումասեան։
Գիւմրիի մէջ, բացի անօթեւաններու ցանկին մէջ ընդգրկուած աւելի քան 1000 ընտանիքներէն, որոնք պետութեան կողմէ բնակարանի փոխհատուցման կը սպասեն, աւելի քան 26 տարիէ ի վեր 4000 ընտանիք կ՛ապրի տնակներու մէջ՝ բնակարան ունենալու յոյս չունենալով, որովհետեւ երկրաշարժին ժամանակ անօթեւանի կարգավիճակ չեն ունեցած:

LEAVE A REPLY

Please enter your comment!
Please enter your name here