ՊԸՐՐԻ ԿԸ ՄԵՐԺԷ ԵՐԿԱՐԱՁԳԵԼ ԽՈՐՀՐԴԱՐԱՆԻՆ ԺԱՄԿԷՏԸ

0
113

Լիբանանեան կառավարութիւնը սկզբունքով այսօր պիտի գումարէ ընթացիկ նիստ մը: Օրակարգի վրայ պիտի ըլլայ սուրիացի գաղթականներուն համար սահմանագիծին մօտակայ վայրերու մէջ գաղթակայաններ կառուցելու հարցը:

Ապահովական գետնի վրայ, զինեալներ, երէկ առաւօտեան փորձեցին փակել Արսէլի ճանապարհը, որպէսզի բանակը վառելանիւթ չփոխադրէ Արսէլի կարգ մը շրջաններ:

Քաթարեան աղբիւրներ յայտնեցին, թէ   առեւանգուած զինուորականները ազատ արձակելու՝ ընդհանուր անվտանգութեան ընդհանուր տնօրէն, հազարապետ Ապպաս Իպրահիմի   ճիգերը   տեղքայլի մատնուած են, առեւանգողներուն ներկայացուցած   ծանր պայմաններուն պատճառով:

Խորհրդարանի նախագահ Նեպիհ Պըրրի յայտնեց, թէ պայմանները թոյլատու են խորհրդարանական ընտրութիւններ կայացնելու համար: Պըրրի   նաեւ շեշտեց խորհրդարանի օրէնսդիր նիստի մը անհրաժեշտութիւնը, քննարկելու աշխատավարձերու յաւելումի, եուրոպոնտի, ընդհանուր մարզի պաշտօնէութեան աշխատավարձերու, պետական պիւտճէի եւ ընտրական օրինագիծէն ներս կարգ մը փոփոխութիւններու վերաբերող հարցեր: Պըրրի շեշտեց, թէ «Բարգաւաճում եւ Ազատագրութիւն» խմբաւորումը դէմ պիտի քուէարկէ երկարաձգումի առաջարկին: Մուսթաքպալ Հոսանքի պետ Ֆուատ Սինիորա համամտութիւն յայտնեց  Պըրրիի կեցուածքներուն: Երեսփոխան Ժան Օղասապեան մաղթեց,որ խմբաւորումները կը ներկայանան խորհրդարան եւ ժողովրդավարական սկզբւոնքներու հիման վրայ կը լուծուին օրակարգի վրայ ներկայացուած հարցերը, սկսելով նախագահական ընտրութիւններէն:

LEAVE A REPLY

Please enter your comment!
Please enter your name here