ԱՄՆ-ի Մէջ Հայաստանի Դեսպանութիւնը Պատասխանած Է New York Times-ի Ատրպէյճանամէտ Յօդուածին

0
155

Ատրպէյճանի կառավարութեան յայտնի վարձու լոպիստ, Իսրայէլի Հայֆա համալսարանի փրոֆէսոր, ԱՄՆ Ճորճթաունի համալսարանի հետազօտող Պրենտա Շաֆերի յօդուածը ամերիկեան New York Times պարբերականին մէջ անարձագանք չէ մնացած ԱՄՆ-ի մէջ Հայաստանի եւ Ատրպէյճանի դեսպանութիւններու կողմէ:

Ըստ «Արմէնփրէս»-ի, երկու կողմերն ալ իրենց պատասխան նամակը յղած են պարբերականի խմբագրութեան:

ԱՄՆի մէջ Հայաստանի դեսպանութեան մամլոյ խօսնակ Աննա Նաղտալեան իր նամակին մէջ նշած է, որ Լեռնային Ղարաբաղի հակամարտութեան կարգաւորման ուղղուած միջնորդական ձեւափաչը ԱՄՆ, Ռուսաստանի եւ Ֆրանսայի գլխաւորութեամբ, ուղղուած է հիմնախնդիրի խաղաղ կարգաւորման: «Այս երկիրներու նախագահներն իրենց միասնական դիրքորոշումը յայտնած են հինգ յաջորդական յայտարարութիւններու մէջ: Հանդիպումները Ռուսաստանի մէջ` օգոստոսին, Ուելսի` այս ամսուն եւ յաջորդը Ֆրանսայի մէջ հոկտեմբերին, նման համատեղ ջանքերու դրսեւորումներն են: Խաղաղապահ առաքելութիւնը եղած է բանակցային գործընթացքի անբաժան մասը եւ երբեք առանձին չէ դիտարկուած: Հրադադարի կարգի վերջին խախտումներն իրականացուած են Ատրպէյճանի կողմէ, որ կը հրաժարի հակամարտութեան կարգաւորման նպատակով միջնորդներու առաջարկութիւնը հրադադարի խախտման դէպքերն ուսումնասիրելու վերաբերեալ: Հետեւաբար, Ատրպէյճանը պատասխանատու է իրավիճակի թէժացման համար»,- նամակին մէջ գրած է Նաղտալեան:

Ատրպէյճանական կողմի պատասխան նամակի հեղինակը ԱՄՆ-ի մէջ Ատրպէյճանի դեսպան Էլին Սուլէյմանովն է, որ գրեթէ ամբողջութեամբ համաձայն է յօդուածի հեղինակին հետ, միայն թէ կը պահանջէ Հայաստանին ներկայացնել որպէս «aggressor» նախայարձակ: Սուլէյմանովը նաեւ կոչ կ’ընէ Պրենտա Շաֆֆերին զուգահեռներ չտանիլ Հայաստանի եւ Ատրպէյճանի միջեւ, քանի որ անոնցմէ «մէկը նախայարձակ է, իսկ միւսը`զոհ»: Որպէս հակամարտութեան կարգաւորման լաւագոյն ուղի Ատրպէյճանի դեսպանը կ’առաջարկէ հայկական զինուժի դուրսբերումը ԼՂ տարածքէն:

LEAVE A REPLY

Please enter your comment!
Please enter your name here