ՀԱՅԱՍՏԱՆ ՆՇԵՑ ԱՆԿԱԽՈՒԹԵԱՆ 23-ՐԴ ՏԱՐԵԴԱՐՁԸ

0
120

Կիրակի, 21 Սեպտեմբերին,   համայն աշխարհի հայութիւնը նշեց Հայաստանի Հանրապետութեան Անկախութեան օրը Հայաստանի անկախութեան հռչակագիրը ընդունուեցաւ 23 Օգոստոս 1990-ին, Հայաստանի Գերագոյն Խորհուրդի նիստին ընթացքին: ԽՍՀՄ   օրէնսդրութեան համապատասխան, 21 Սեպտեմբեր 1991-ին, Հայաստանի տարածութեան վրայ կայացաւ հանրաքուէ : Մասնակիցներու 94.39 առ հարիւրը «Այո» ըսին անկախութեան:

23 Սեպտեմբերին, Հայաստանի Գերագոյն Խորհուրդը ամփոփելով հանրաքուէի արդիւնքները,Հայաստանի Հանրապետութիւնը հռչակեց անկախ պետութիւն: Առաջին պետութիւնը,որ ճանչցաւ Հայաստանի անկախութիւնը Լիթվիան էր:

Հայաստանի անկախութեան 23-րդ տարեդարձին առիթով,   Կիրակի, 21 Սեպտեմբերին,   Եռաբլուր պանթէոն այցելեց Հայաստանի նախագահ Սերժ Սարգսեանը՝ բարձրաստիճան պաշտօնակատարներու ուղեկցութեամբ: Նախագահ Սարգսեանին կ’ընկերակցէին Ամենայն Հայոց Կաթողիկոս Գարեգին Բ.-ը, Լեռնային Ղարաբաղի նախագահ Բակօ Սահակեանը, վարչապետ Յովիկ Աբրահամեանը, Ազգային Ժողովի նախագահ Գալուստ Սահակեանը, պաշտպանութեան բանակի հրամանատար Մովսէս Յակոբեանը, Արտաքին գործոց նախարար Էտուարտ Նալպատնեանը, եւ ուրիշներ: Անոնք ծաղիկներ զետեղեցին Սպարապետ Վազգէն Սարգսեանի շիրիմին եւ զօրավար Անդրանիկի յուշարձանին, ինչպէս նաեւ ազատամարտիկներու յիշատակին նուիրուած յուշակոթողին առջեւ:

LEAVE A REPLY

Please enter your comment!
Please enter your name here