ԼԻԲԱՆԱՆԵԱՆ ԿԱՐՃ ԼՈՒՐԵՐ

0
109

-Մարոնիներու Պշարա Ռայի գարտինալը շնորհաւորական այցելութիւն մը տուաւ հանրապետութեան նորընտիր  միւֆթի շէյխ  Ապտէլ Լաթիֆ Տըրիանին:  Հանդիպումէն ետք,  Ռայի   խստիւ քննադատեց հիմնադիրներու խորհրդաժողով   հրաւիրելու,  Թայէֆի   համաձայնագիրը  վերանայելու մասին առաջարկները: Ռայի շեշտեց քրիստոնեայ- իսլամ համակեցութիւնը  ամրապնդելու անհրաժեշտութիւնը:

 

– Երեսփոխան Ժորժ Ատուան  յայտարարեց, թէ աշխատավարձերու յաւելումներուն շուրջ  համաձայնութիւնը  կը  կարօտի   քաղաքական  ուժերուն  համաձայնութեան: Ատուան նշեց, թէ եկամուտի  աղբիւրներու  փնտռտուքը  նոյնպէս  կը կարօտի  քաղաքական բեմին  համերաշխութեան:

-Երեսփոխան Ամմար Հուրի ցաւ յայտնեց, որ նոր տուեալներ գոյութիւն չունին նախագահական ընտրութիւններուն վերաբերեալ: Հուրի  նշեց, թէ  խորհրդարանի  օրէնսդիր նիստը պիտի որոշէ աշխատավարձերու  թղթածրարը, իսկ   2015-ի պետական  պիւտճէին պարագային, անհրաժեշտ է   հաշուի առնել Մուսթաքպալ Հոսանքին տեսակէտները:

– «Տը Նիու Եորք Թայմզ»  կը գրէ, թէ  Միացեալ Նահանգներ եւ Հըզպալլա կրնան  թշնամանք տածել իրարու հանդէպ,  սակայն անջատաբար  կը պայքարին միեւնոյն թշնամիին՝ Տաաշի դէմ:

-Ելեկտրական ընկերութեան սարակները  նստացոյց մը կազմակերպեցին  Տորայի  շրջանին մէջ գործող   «ՔԱ.Վէ.Ա»  ընկերութեան շէնքին առջեւ եւ  վերահաստատեցին  իրենց պահանջները: «ՔԱ.ՎԷ.Ա»  յայտարարեց, թէ մեկնելով ստեղծուած պայմաններէն ստիպուած է դադրեցնելու  ընկերութեան աշխատանքները:

-Լիբանանեան Ուժեր Կուսակցութեան գործադիր խոհուրդի պետ Սամիր Ժաաժա  յայտնեց, թէ  քրիստոնէութիւնը  պաշտպանելու կարգախօսին տակ կատարուածը  ամօթանք եւ դաւաճանութիւն է Լիբանանին եւ քրիստոնէութեան:Միւս կողմէ,  միայն Հըզպալլայի  զինեալները Սուրիայէն  հեռացնելով  կարելի  պիտի ազատագրել առեւանգուած  զինուորականները:

LEAVE A REPLY

Please enter your comment!
Please enter your name here