ԻՍՐԱՅԷԼ ԿԸ ՄԵՐԺԷ ԻՐԱՆԸ ՃԱՆՉՆԱԼ ԻԲՐԵՒ ՄԻՋՈՒԿԱՅԻՆ ՊԵՏՈՒԹԻՒՆ

0
120

Վարչապետ  Պենիամին Նեթանիահու  յայտարարեց, թէ Իսրայէլ  վճռական հարուածներ հասցուցած էր Համասին: Նեթանիահու  դիտել տուաւ,  որ  միջազգային  ընտանիքի անդամ կարգ մը պետութիւններ արդէն իսկ սկսած են Իրանը ճանչնալ իբրեւ միջուկային պետութիւն: Վարչապետը   զգուշացուց, թէ այդ մէկը անընդունելի պիտի  ըլլայ  Իսրայէլի համար: Նեթանիահու նաեւ անդրադարձաւ  ծայրայեղականութեան, զայն  սպառնալիք նկատելով Իսրայէլին եւ միջազգային ընտանիքին: Նեթանիահու  անընդունելի նկատեց  կոլանի մէջ որեւէ զարգացում, սպառնալով հարուածել Կոլանի մէջ  խռովութիւն յառաջացնելու միտող բոլոր  փորձերը:

Իսրայէլեան բանակը  երէկ առաւօտեան եւ  երեկոյեան խուժեց Աքսա  մզկիթը եւ  կատարեց ձերբակալութիւններ: Կարգ մը զինուորականներ  փշռեցին մզկիթին  ապակիները:  Իսրայէլեան  բանակի աղբիւր մը  հաղորդեց, թէ  Կոլանի կացութիւնը  հանդարտած է  վերջին  քսանչորս ժամերուն  ընթացքին:

LEAVE A REPLY

Please enter your comment!
Please enter your name here