ՍԱԼԱՄ ՀԱՆԴԻՊՈՒՄՆԵՐ ՈՒՆԵՑԱՒ ՊԱՆ ՔԻ ՄՈՒՆԻ ԵՒ ԱՐԱՊԻԻ ՀԵՏ

0
128

Վարչապետ   Թամամ Սալամ  Նիւ  Եորքի մէջ   հանդիպում մը ունեցաւ  ՄԱԿ-ի ընդհանուր քարտուղար  Պան Քի  Մունի եւ Արաբական Լիկայի   ընդհանուր  քարտուղար  Նեպիլ Ալ Արապիի  հետ: Սալամ,   հանդիպում մը  ունեցաւ   Եգիպտոսի նախագահ  Ապտէլ Ֆաթահ Սիսիի հետ եւ  քննարկեց  Միջին Արեւելքի  զարգացումները:  Սիսի  յայտնեց, թէ  Եգիպտոս կը զօրակցի ահաբեկչութեան դէմ  Լիբանանի պայքարին: Սալամ  նաեւ հանդիպում մը ունեցաւ Իրաքի նախագահ Ֆուատ Մաասումի հետ եւ քննարկեց  շրջանային հարցեր: Վարչապետ  Թամամ Սալամ Թուրքիոյ  նախագահ Ռեճէպ  Թայիփ  Էրտողանի հետ   ունենալիք  հանդիպումին   ընթացքին վերջինէս  պիտի  պահանջէ  իսկական յանձնառութիւն ստանձնել  առեւանգուած  զինուորականները ազատ արձակելու  ուղղութեամբ:

Այս ծիրին մէջ մնալով, ներքին գործոց նախարար Նիհատ  Մաշնուք մնայուն հաղորդակցութիւն  կը պահէ առեւանգեալներու  ընտանիքներուն հետ: Քաթար  յայտարարեց, թէ այն պահէն սկսեալ, երբ  Քաթար սկսաւ  մասնակցիլ Տաաշի  դէմ ամերիկեան օդարշաւներուն,  զինուորականները ազատագրելու  քաթարեան  նախաձեռնութիւնը  դադրեցաւ: Առեւանգեալներու  ընտանեկան  պարագաները   երէկ դարձեալ  փակեցին կարգ մը  ճանապարհներ, պահանջելով իրենց  հարազատներուն ազատ արձակումը:

Ապահովական գետնի վրայ,  Թրիփոլիի մէջ  կը տիրէ  մտահոգիչ  վիճակ: Շշուկներ կը տարածուին՝ բանակի դիրքերու վրայ ահաբեկական նոր  գործողութիւններու  մասին: Աքքարի մէջ  անծանօթներ կրակ  բացին զինուորականներ փոխադրող   բեռնակառքի մը վրայ:Ռազմագէտներ կը  հաւաստեն,թէ  Միացեալ Նահանգներ  արդիական զէնքեր սկսած է  փոխանցել լիբանանեան բանակին:

Քաղաքական եւ ապահովական  մտահոգութիւններէն անկախ,  խորհրդարանի նախագահ Նեպիհ Պըրրի  նշեց, թէ որոշակի  յառաջընթաց մը  տեղի ունեցած է աշխատավարձերու   թղթածրարին  ծիրէն ներս: Պըրրիի համաձայն,  յաւելեալ արժէքի տուրքին վրայ  կը նախատեսուի  մէկ առ  հարիւրի  յաւելում մը, պայմանով որ իսկ յաւելումները կատարուին  յառաջիկայ  երկու տարիներուն  ընթացքին: Սենտիքայական համակարգումի  խորհուրդը  ցարդ  լռութիւն կը պահէ Պըրրիի առաջարկին շուրջ:  Պըրրի նաեւ հաւաստեց,թէ  խորհրդարանը  օրէնսդիր նիստի  մը պիտի հրաւիրէ  յառաջիկայ  շաբթուան  ընթացքին:

– Արտաքին գործոց նախարար Ժըպրան Պասիլ, Նիւ Եորքի մէջ հանդիպում մը ունեցաւ Սէուտական Արաբիոյ  իր պաշտօնակիցին իշխան Սէուտ Ֆայսալի հետ եւ քննարկեց լիբանանեան բեմի վերջին զարգացումները: Պասիլ նաեւ մասնակցեցաւ արաբ արտաքին գործոց նախարարներու խորհրդաժողովին:

LEAVE A REPLY

Please enter your comment!
Please enter your name here