ԲՐԻՏԱՆԻԱ ԴՐԱԿԱՆ ԴԵՐԱԿԱՏԱՐՈՒԹԻՒՆ ՄԸ ԿԸ ՏԵՍՆԷ ԻՐԱՆԻ ՀԱՄԱՐ՝ ՍՈՒՐԻՈՅ ՀԱԿԱՄԱՐՏՈՒԹԻՒՆԸ ԼՈՒԾԵԼՈՒ ԾԻՐԻՆ ՄԷՋ

0
111

Այսպէս կոչուած իսլամական պետութեան վերահսկողութեան տակ գտնուող նաւթի  կեդրոնները դարձան ամերիկեան երրորդ օրուան   օդարշաւներուն  գլխաւոր  թիրախները: Օդարշաւներ կատարուեցան նաեւ Տէր Զորի արեւելեան  շրջաններուն մէջ: Քրտական  կազմակերպութիւններ յայտարարեցին, թէ իրենք եւս  կը մասնակցին  իսլամական պետութեան դէմ  ճակատումներուն: Թրքական աղբիւրներ հաղորդեցին,թէ պիտի մերժեն մասնակցիլ  ամերիկեան  օդարշաւներուն, մինչեւ  նախագահ Պաշշար Ասատին  ճակատագիրին  յստակացումը:  Թուրքիա պաշտօնական բողոք ներկայացուց ՄԱԿ-ին՝ Սուրիայէն ներխուժող  գաղթականներուն մարդասիրական  օժանդակութիւն հայթայթելու ակնկալութեամբ:

ՄԱԿ-ի մօտ Սուրիոյ դեսպան Պաշշար Ճաաֆարի  յայտարարեց, թէ ահաբեկչական  կազմակերպութիւններու վրայ  յարձակումները ոչ  ոքի պիտի  խնայեն:

Սուրիոյ արտաքին գործոց նախարար  Ուալիտ Մոալլէմ  ժամանեց  Նիւ Եորք: Լրագրողներուն  հետ   հանդիպումի մը ընթացքին, Մոալլէմ  դիտել տուաւ, թէ պետութիւն  մը չի կրնար  ահաբեկիչներու դէմ  պայքարիլ եւ միւս կողմէ  զէնք ու  նիւթական աջակցութիւն  հայթայթել անոնց

Բրիտանիոյ  վարչապետ Տէյվիտ Գամերոն  յայտարարեց, թէ  հակառակ  Իրանի հետ խոր  տարակարծութիւններուն, ինք  համոզուած է, որ Թեհրան  կրնայ  դրական դերակատարութիւն ունենալ Սուրիան կայունացնելու եւ  հակամարտութիւնը լուծելու  ճիգերուն մէջ:

LEAVE A REPLY

Please enter your comment!
Please enter your name here