ԲՐԻՏԱՆԻԱ ՈՒՐԲԱԹ ՕՐ ՊԻՏԻ ՔՆՆԱՐԿԷ ԻՐԱՔԻ ԵՒ ՍՈՒՐԻՈՅ ՕԴԱՐՇԱՒՆԵՐՈՒՆ ՄԻԱՆԱԼՈՒ ԿԱՐԵԼԻՈՒԹԻՒՆՆԵՐԸ

0
134

ՄԱԿ-ի Ապահովութեան խորհուրդը   միաձայնութեամբ  դատապարտեց ահաբեկչութիւն սերմանող ծայրայեղականութիւնը, ինչպէս  նաեւ օտարհապատակ  ահաբեկիչներու մասնակցութիւնը Իրաքի եւ  Սուրիոյ հակամարտութիւններուն: ՄԱԿ-ի ընդհանուր քարտուղար Պան Քի  Մուն  յայտնեց,թէ  ահաբեկչութիւնը կը  սպառնայ   համաշխարհային   խաղաղութեան: ՄԱԿ  նաեւ արգիլեց  ճիհատիստ  վարձկաններ  հաւաքագրելու  եերւոյթը: Միացեալ Նահանգներու նախագահ Պարաք Օպամա «Պատմական  բանաձեւ» գնահատականը տուաւ Ապահովութեան խորհուրդին  մէջ առնուած որոշումին: Օպամա՝ արտասանած խօսքին մէջ դիտել տուաւ, թէ  Ուաշինկթըն պիտի շարունակէ իսլամական պետութեան դէմ պայքարը: Ան խոստացաւ   քաղաքական  լուծում մը  փնտռել  Սուրիոյ  տագնապին: Այսուհանդերձ,  Միացեալ Նահանգներու նախագահ Պարաք  Օպամա  ընդգծեց, թէ ահաբեկչութեան դէմ   պայքարը  չունի  ռազմական լուծում եւ պահանջեց  համաշխարհային  ճակատի մը կազմութիւնը:

Բրիտանիոյ վարչապետ Տէյվիտ Գամերոն իր խօսքին մէջ պահանջեց ահաբեկչութեան պայքարի դէմ,   ՄԱԿ-ի  կողմէ պաշտօնակատար մը  նշանակել, որովհետեւ  ըստ  Գամերոնի, ահաբեկչութիւնը դարձած է  համաշխարհային մտահոգութիւն: Ան  նշեց, թէ առնուազն  500   բրիտանացիներ կը կռուին իսլամական պետութեան կողքին: Նշենք, թէ Բրիտանիոյ խորհրդարանը այսօր՝ Ուրբաթ պիտի քննարկէ  Իրաքի եւ Սուրիոյ  օդարշաւներուն մասնակցելու կարելիութիւնները:

Գերմանիոյ պաշտպանութեան նախարարը անակնկալ այցելութիւն մը տուաւ Արպիլ:

Միւս կողմէ, առնուազն տասնչորս քաղաքացիներ սպաննուեցան եւ  երեսուն երկու ուրիշներ  վիրաւորուեացան  Պաղտատի մէջ,ականուած երկու ինքնաշարժներու պայթումին հետեւանքով:

LEAVE A REPLY

Please enter your comment!
Please enter your name here