ՄԱՆՉԵՍԹԸՐ ՍԻԹԻ ԵՕԹ ԿՈԼ ՆՇԱՆԱԿԵՑ – ՊԱՐՉԵԼՈՆԱ ՀԱՒԱՍԱՐԵՑԱՒ

0
153

Անգլիոյ   «Գեփիթլ Գափ»ի  (Լիկ Գափ) երրորդ  հանգրուանի մրցումներուն գծով , Մանչեսթըր Սիթի  եօթ  կոլ զետեղեց  Շեֆֆիլտ Ուենզտէյի բերդին մէջ: Ֆրանք Լամփարտ (2), Էտին  Ժեքօ (2),  Ճեզուս Նավաս,  Եայիա Թուրէ, Անժէլ  Փոզօ  նշանակեցին  «Տը Սիթիզընզ»ներուն կոլերը:

Չելսի՝ 2-1 արդիւնքով պարտութեան մատնեց Պոլթընը: Օսքար եւ  Քուրթ   Քուզմա  նշանակեցին  լոնտոնեան խումբին կոլերը:

Ստորեւ « Գեփիթլ Գափ»ի   չորրորդ  հանգրուանի հանդիպումներուն  վիճակաձգութիւնը.

Թոթենհամ – Պրայթըն

Սթոք Սիթի –  Սաութեմթըն

Պորնմաութ – Ուեսթ Պրոմուիչ Ալպիոն

Շրուզպըրի   – Չելսի

Լիվըրփուլ – Սուանսի Սիթի

Էմ.Քէյ. Տոնզ  –  Շեֆֆիլտ Եունայթըտ

Մանչեսթըր Սիթի – Նիուքասլ Եունայթըտ

Ֆուլամ –  Տըրպի Գաունթի

Վերոյիշեալ   հանդիպումները տեղի պիտի ունենան  28 եւ 29   Հոկտեմբերին:

Սպանիոյ ֆութպոլի ախոյեանութեան գծով, չորս յաջորդական յաղթանակներէ ետք, Պարչելոնայի  պահպանած   հարիւր առ հարիւր մրցանիշը փուլ եկաւ, երբ գաթալոնական կազմը  0-0  հաւասարութիւն մը արձանագրեց  Մալակայի  դէմ: Աթլեթիքօ  Մատրիտ՝ 1-0  արդիւնքով  պարտութեան մատնեց Ալմերիային: Միրանտա նշանակեց   մայրաքաղաքի խումբին յաղթանակի կոլը: Սեւիլիա՝1-0  արդիւնքով պարտութեան մատնեց Ռէալ  Սոսիետատը  եւ Պարչելոնայի հետ սկսաւ գլխաւորել ախոյեանութեան ընդհանուր դասաւորումը:

LEAVE A REPLY

Please enter your comment!
Please enter your name here