ՍԱԼԱՄ ՈՒՐԲԱԹ ՕՐ ՄԱԿ-Ի ԱՄՊԻՈՆԷՆ ՊԻՏԻ ԱՐՏԱՍԱՆԷ ԼԻԲԱՆԱՆԻ ԽՕՍՔԸ

0
123

 

Վարչապետ Թամամ Սալամ  Նիւ Եորք մէջ Լիբանանին սպառնացող   ահաբեկչութեան դէմ  պայքարելու օգնութեան  յենակներ կը  փնտռէ   միջազգային  ընտանիքէն:   Սալամ այսօր Ուրբաթ՝ ՄԱԿ-ի ամպիոնէն  պիտի արտասանէ  Լիբանանի խօսքը:  Ապահովական  մագլցումները մտահոգիչ կացութիւն մը  ստեղծած են  Թրիփոլիի  մէջ:  Մերթընդմերթ Տաաշի զինեալներու  յայտնութիւնը, գորշ  մթնոլորտ մը  ստեղծած է  հիւսիսային  Լիբանանի  մայրաքաղաքին մէջ:   Լիբանանեան  բանակի միաւորներ տարածուեցան Թրիփոլիի Ապի Սամրայի շրջանը  եւ կատարեցին խուզարկութիւններ եւ ձերբակալութիւններ:  Ոմանց  կարծիքով,  ժամանակի հարց է  բանակին եւ  սուրիացի  զինեալներուն միջեւ  ճակատումը: Միւս կողմէ, Իսլամական պետութիւնը  կը սպառնայ զինուորական մը եւս մահապատիժի ենթարկել:

Սէուտական Արաբիոյ արտաքին գործոց նախարար իշխան Սէուտ Ֆայսալ  Լիբանանին  օգնելու  պատրաստակամութիւն յայտնեց՝ ահաբեկչութեան դէմ անոր մղած պայքարին, եթէ   լիբանանեան կառավարութիւնը  պահանջէ նման օժանդակութիւն: Առեւանգուած զինուորականներուն  հարազատները  դարձեալ փակեցին Տահր Ալ  Պայտարի   ճանապարհը:

Ապահովական այս մտահոգիչ  կացութեան  զուգահեռ, նախագահական ընտրութիւններու  սակարանը  կը պահպանէ իր ամուլ  «կայունութիւնը»:

LEAVE A REPLY

Please enter your comment!
Please enter your name here