ԼԻԲԱՆԱՆԵԱՆ ԿԱՐՃ ԼՈՒՐԵՐ

0
119

-Փաղանգաւոր Կուսակցութեան նախագահ Ամին Ճեմայէլ մերժեց «անհրաժեշտութեան» պատրուակին տակ անտեսել նախագահական ընտրութիւններու գործընթացը: Ճեմայէլ անընդունելի նկատեց ստեղծուած թափուրը անուղղակիօրէն   ընդունելու երեւոյթը: Լիբանանեան Ուժերու գործադիր խորհուրդի պետ Սամիր Ժաաժա յայտարարեց, թէ Հըզպալլա եւ Միշէլ Աուն կը կրեն նախագահական թափուրին պատասխանատուութիւնը:

– Բրիտանական « Տը   Ինտիփենտընթ» օրաթերթը կը գրէ,թէ Ուալիտ Ճոմպլաթ կառավարութեան առաջարկած է ուղղակի բանակցութիւններ վարել Տաաշի հետ եւ բանտարկեալներու հետ փոխանակել առեւանգուած զինուորականները:

-Ապահովական աղբիւրներ կը հաղորդեն, թէ մեծ թիւով Ճեպհէթ Ալ Նուսրայի զինեալներ տարածուած են Պապ Թըպենէի արուարձաններուն մէջ: Թրիփոլի կը գտնուի նոր պայթումի մը սեմին: Քաղաքական կարգ մը ուժեր գաղտնի   ճանապարհներով ռազմական եւ   նիւթական օժանդակութիւն կը հայթայթեն ծայրայեղականներուն:

-Սենտիքայական համակարգումի խորհուրդի անդամ Հաննա Ղարիպ դիտել տուաւ, որ անհրաժեշտ է   համաձայնութիւն գոյացնել աշխատավարձերու թղթածրարին շուրջ եւ ոչ՝   նոր տագնապներ ստեղծել անոր պատճառով:

-Հանրապետութեան միւֆթի շէյխ ԱպտէլԼաթիֆ Տըրիան ընդունեց Լիբանանի մօտ Ֆրանսայի դեսպան Փաթրիք Փաուլին եւ քննարկեց լիբանանեան եւ շրջանային   բեմի վերջին զարգացումները:

– Վարչապետարանին կողմէ լոյս ընծայուած   հաղորդագրութեան մը համաձայն, Ատհայի տօնին առիթով, պետական հաստատութիւնները, քաղաքապետութիւնները փակ պիտի մնան 4,5,6 Հոկտեմբերին:

LEAVE A REPLY

Please enter your comment!
Please enter your name here