Աշոտ Ղուլեան Ընդունած է Ֆրանսա-Արցախ Բարեկամութեան Խումբի Նախագահ Ֆրանսուա Ռոշպլուանը

0
111

ԵՐԵՒԱՆ, «Արմէնփրէս».– Արցախի խորհրդարանի նախագահ Աշոտ Ղուլեան 29 Սեպտեմբերին ընդունած է Ֆրանսայի Ազգային ժողովի պատգամաւոր, Ֆրանսա-Արցախ բարեկամութեան շրջանակի նախագահ Ֆրանսուա Ռոշպլուանը: Հանդիպման ընթացքին քննարկուած են Ֆրանսա-Արցախ բարեկամութեան շրջանակի ապագայ ծրագիրներու, խորհրդարանական ձեւաչափով յարաբերութիւններու զարգացման հարցերը:
Ազգային ժողովի նախագահը կարեւոր նկատած է Ֆրանսայի օրէնսդիրներու պարբերական այցելութիւնները Արցախ՝ նշելով, որ անոնք առիթ կու տան Լեռնային Ղարաբաղի վերաբերեալ առարկայական տեղեկատուութեան ներկայացում կատարելու միջազգային խորհրդարանական հարթակներու վրայ: Ֆրանսուա Ռոշպլուանը յայտնած է, որ նման այցելութիւններու ընդմէջէն իրենք կը տեսնեն իրականութիւնը եւ կը դառնան Լեռնային Ղարաբաղի իւրայատուկ ներկայացուցիչները Եւրոպայի մէջ:
Հանդիպման մասնակցած է Լեռնային Ղարաբաղի Ազգային ժողովի պաշտպանութեան, անվտանգութեան եւ օրինապահպանութեան հարցերու մնայուն յանձնաժողովի նախագահ Ժաննա Գալստեանը:

LEAVE A REPLY

Please enter your comment!
Please enter your name here