ԱՍԱՏ ՊԱՏՐԱՍՏ Է ՄԱՍ ԿԱԶՄԵԼՈՒ ԻՍԼԱՄԱԿԱՆ ՊԵՏՈՒԹԵԱՆ ԴԷՄ ԴԱՇԻՆՔԻՆ

0
110

Ռուսիոյ մօտ Սուրիոյ դեսպան   Ռիատ Հատատ  հաւաստեց, թէ նախագահ Պաշշար Ասատ  ծայրայեղականաներու դէմ   յայտարարուած միջազգային դաշինքին հետ  համագործակցելու պատրաստակամութիւն յայտնած է՝  ՄԱԿ-ի Ապահովութեան Խորհուրդի  օրէնսդրութեան համաձայն: Իր կարգին, արտաքին գործոց նախարար  Ուալիտ Մոալլէմ  յայտարարեց, թէ Տաաշի եւ  ճեպհէթ Ալ Նուսրայի դէմ պայքար  յայտարարող պետութիւնները, պարտաւոր են  միջազգային  օրէնսդրութեան հետ համադրելու  իրենց քայլերը:

Ահաբեկչութեան դէմ պայքարող  ճակատը   կասկածանքով  կը հետեւի  անգարայի   քայլերուն:  Թուրքիոյ   ղեկավարները  երկդիմի   կեցուածքներ կ’արտայայտեն այս  ուղղութեամբ: Վերջին  տեղեկութիւններուն համաձայն, Անգարա  կ’ուսումնասիրէ  Սուրիոյ  դէմ  ցամաքային  խուժում մը կատարելու կարելիութիւնները՝ թուրք   քաղաքացիներու անվտանգութիւնը երաշխաւորելու մտահոգութեամբ: Թուրքիա տասնհինգ   հրետանի  տեղակայած է Սուրիոյ հիւսիսային սահմանագիծին վրայ:

Փենթակոնի աղբիւր մը յայտարարեց, թէ ամերիկեան օդուժը ցարդ  4300 օդարշաւ  կատարած է  Տաաշի դիրքերուն վրայ:

Քաթարի արտաքին գործոց նախարար  Խալէտ   Աթիյէ հերքեց՝  ծայրայեղական կազմակերպութիւններուն զէնքով եւ   նիւթապէս   օժանդակելու մասին,  իր երկրին հասցէին  քննադատութիւնները:

Բրիտանկան «Տը Կարտիըն» օրաթերթը կը գրէ, թէ Տաաշի դէմ պատերազմը, իւրաքանչիւր օր, առնուազն տասը միլիոն տոլարի գումար մը կ’արժէ Միացեալ Նահանգներուն: Օրաթերթին  համաձայն,   Իրաքի եւ Սուրիոյ մէջ  ամերիկեան օդարշաւները ցարդ  780-930 միլիոն տոլարի  գումար մը արժած են   պաշտպանութեան նախարարութեան:

LEAVE A REPLY

Please enter your comment!
Please enter your name here