ԼԻԲԱՆԱՆԵԱՆ ԿԱՐՃ ԼՈՒՐԵՐ

0
108

– Երէկ առաւօտեան, լիբանանեան բանակի գաղտնի սպասարկութիւնը  կարգ  մը  ձերբակալութիւններ կատարեց  Տըքուէնիի շրջանին մէջ: Յետ  հարցաքննութեան, պարզուեցաւ, թէ  ձերբակալեալներէն  ոմանք ահաբեկչական կազմակերպութեան մը անդամներ են:

-Սպանական իշխանութիւնները  յայտարարեցին, թէ շաբավերջին  բացայայտած են  Լիբանանի ուղղութեամբ ամերիկեան զէնք փոխադրող  նաւ մը:   Սպանական իշխանութիւնները հարցաքննութիւն կը կատարեն  նաւուն  անձնակազմին հետ, պարզելու փոխադրուող  զէնքերուն  հասցէն:

– Ճարտարարուեստի նախարար Հիւսէյն Հաժ Հասան յայտարարեց, թէ Հըզպալլան ներկայացնող նախարարները պիտի մերժեն  լիբանանեան համալսարանի մուտքի արձանագրութեան սակերուն  վրայ նախատեսուած յաւելումները: Հասան,  վերադաս  մարմիններէն պահանջեց վերատեսութեան   ենթարկել   նշուած յաւելումները:

– Գիւղատնտեսութեան նախարար Աքրամ Շըհայէպ այցելեց Ռապիյէ եւ հանդիպում մը  ունեցաւ  Փոփոխութիւն եւ Բարեկարգում խորհրդարանական խմբաւորումի պետ Միշէլ Աունի  հետ:  Հանդիպումէն ետք, Շըհայէպ  յայտնեց, թէ  խիստ անձնական  նամակ  մը  փոխանցած էր  Ուալիտ Ճոմպլաթէն: Նախարարը մաղթեց  նոր նախագահ մը  ընտրել, պահպանելու՝  Լիբանանի   քաղաքային անվտանգութիւնը:

-Ուժանիւթի եւ ջուրի նախարարութիւնը զգուշացուց՝ կացութիւնը այսպէս շարունակուելու պարագային, անկարելի  պիտի ըլլայ  հայթայթել  պաշտօնէութեան աշխատավարձերը: Նախարարութիւնը անըդնունելի   նկատեց սարակներու կողմէ  ելեկտրականութեան  ընկերութեան գլխաւոր  շէնքը  բռնագրաւելու եւ պատանդ վերցնելու  իրողութիւնը:

– Լիբանանեան բանակը  երէկ  գուժեց Մահմուտ  Ալի  Ֆատէլի նահատակութիւնը:  1995-ին  ծնեալ,  Ֆատէլ  վիրաւորուած էր Արսէլի  վերջին դէպքերուն ընթացքին եւ  փոխադրուած  հիւանդանոց:

LEAVE A REPLY

Please enter your comment!
Please enter your name here