ԱՌԵՒԱՆԳԵԱԼ ԶԻՆՈՒՈՐՆԵՐՈՒՆ ԹՂԹԱԾՐԱՐԸ ՃԻՇԴ ՈՒՂԵԳԻԾԻ ՎՐԱՅ

0
148

Վարչապետ Թամամ Սալամ հաւաստեց, թէ առեւանգուած զինուորականները ազատ արձակելու բաանկցութիւնները մտած են իրենց ճիշդ հունին մէջ: Սալամ   յայտնեց, թէ բանակցութիւնները պիտի շարունակուին լուսարձակներէ հեռու եւ գաղտնապահութեան տակ: Սալամ, վարչապետարանին մէջ ընդունեց Լիբանանի մօտ Եւրոպական Միութեան դեսպան Անժելինա Էխորհրսթը: Վերջինս հաւաստեց, թէ պիտի շարունակուին Լիբանանին օժանդակութիւնները: Վարչապետը նաեւ ընդունեց երեսփոխան Ժորժ Ատուանը:

Ընդհանուր անվտանգութեան ընդհանուր տնօրէն հազարապետ Ապպաս Իպրահիմ պաշտօնապէս հաւաստեց, թէ առնուած է առեւանգուած զինուորականները ազատ արձակելու առաջին քայլը: Այսուհանդերձ, ան աւելցուց, թէ բանակցութիւններու ճանապարհը պիտի ըլլայ դժուար եւ երկար: Ան դիտել տուաւ,որ   թղթածրարը անհրաժեշտ է դուրս բերել քաղաքական սակարկութիւններու շուկայէն եւ անվտանգութեան կառոյցներուն վստահիլ բանակցութիւններուն ընթացքը: Կարգ մը տեղեկութիւններու համաձայն, Իպրահիմ՝ հաւաստիքներ ստացած է ահաբեկիչներէն, որ   ֆիզիքական պատժամիջոցներու պիտի չենթարկուին առեւանգեալները: Ապպաս Իպրահիմ նաեւ նկարագրեց առեւանգուած զինուորական Քամալ Հըժէյրին ազատ արձակելու մանրամասնութիւնները: Կ’արժէ նշել,որ շնորհիւ Ապպասի միջամտութիւններուն, ծայրայեղականները ազատ արձակեցին Խըտր Տարուիշ անունով քաղաքացի մը: Վերջինս, վեց օր անհետանալէ ետք, Չորեքշաբթի այգաբացին վերադարձաւ իր բնակարանը:

Լիբանանեան Ուժեր Կուսակցութեան գործադիր խորհուրդի պետ Սամիր Ժաաժա պահանջեց գործակցութեան     եզր մը ստեղծել լիբանանեան   բանակին՝   Իրաքի եւ Սուրիոյ վրայ օդարշաւներ կազմակերպող ամերիկեան զինակցութեան միջեւ:

Այս զարգացումներուն իրազեկ դառնալով հանդերձ, առեւանգեալներուն   ընտանեկան պարագաները կը շարունակեն փակ պահել Տահր Ալ Պայտարի   ճանապարհը:

LEAVE A REPLY

Please enter your comment!
Please enter your name here