ԼԻԲԱՆԱՆԵԱՆ ԿԱՐՃ ԼՈՒՐԵՐ

0
159

–         Մարոնի եպիսկոպոսները,գարտինալ Պշարա Ռայիի   գլխաւորութեամբ իրենց հերթական նիստը գումարեցին Պըքերքէի մէջ: Նիստէն ետք լոյս ընծայուած հաղորդագրութեան մէջ, մարոնի կղերը իսլամական պաշտօնական ղեկավարներէն պահանջեց   յստակ   կեցուածք ճշդել ահաբեկչական երեւոյթներուն հանդէպ:

–         Ընկերվար Յառաջդիմական Կուսակցութեան պետ Ուալիտ Ճոմպլաթ   յայտարարեց,թէ խորհրդարանին պաշտօնավարութեան երկարաձգումը դարձած է իրողութիւն: Ճոմպլաթ յայտնեց,թէ զինք ներկայացնող նախարարները, կառավարութեան այսօրուան (Հինգշաբթի) նիստին ընթացքին պիտի արծարծեն այս հարցը:

–         Լիբանանեան զինուորական բարձրաստիճան պատուիրակութիւն մը   պիտի մեկնի Մոսկուա՝   ռուս պատասխանատուներու հետ քննարկելու լիբանանեան բանակին տրամադրուելիք ռազմական օժանդակութիւններու հարցը:

–         Մարտ 14-ի ուժերու ընդհանուր քարտուղարութիւնը գումարեց նիստ մը եւ քննարկեց լիբանանեան բեմին վերջին զարգացումները: Նիստի աւարտին լոյս ընծայուած հաղորդագրութեան մէջ,Մարտ 14-ի ուժերը կը պահանջեն որ նախագահական ընտրութիւնը դառնայ առաջնայնութիւն:

LEAVE A REPLY

Please enter your comment!
Please enter your name here