Հայաստան Եւ Բրիտանիա Ռազմական Համագործակցութեան Ծրագիր Ստորագրեցին

0
136

ԵՐԵՒԱՆ, «Ազատութիւն».– 29-30 Սեպտեմբերին Երեւանի մէջ տեղի ունեցան հայ–բրիտանական առաջին ռազմաքաղաքական քննարկումները՝ Հայաստանի պաշտպանութեան նախարարութեան պաշտպանական քաղաքականութեան վարչութեան եւ Միացեալ Թագաւորութեան պաշտպանութեան նախարարութեան միջազգային համագործակցութեան վարչութեան ներկայացուցիչներուն մասնակցութեամբ:
Հայաստանի պաշտպանութեան նախարարութեան կեդրոնին մէջ կայացած հանդիպումին ընթացքին քննարկուած են հայ–բրիտանական ռազմական համագործակցութեան ներկայի ոլորտներու զարգացման ու նոր նախաձեռնութիւններու առաջադրման առնչուող հարցեր: Քննարկումներուն մասնակցած են Հայաստանի պաշտպանութեան նախարարի առաջին տեղակալ Դաւիթ Տօնոյեանը եւ Հայաստանի մէջ Միացեալ Թագաւորութեան դեսպան Քեթրին Լիչը:
Քննարկումներուն իբրեւ արդիւնք՝ ստորագրուած է հայ–բրիտանական ռազմական համագործակցութեան 2015-2016 թուականներու ծրագիրը:

LEAVE A REPLY

Please enter your comment!
Please enter your name here