ՀՈՄՍ ՔԱՂԱՔԻՆ ՄԷՋ ԱՆՁՆԱՍՊԱՆԱԿԱՆ ԵՐԿՈՒ ԳՈՐԾՈՂՈՒԹԻՒՆ

0
131

ՄԱԿ-ի Ապահովութեան Խորհուրդը զգուշացուց՝ Տաաշի յաղթանակները   գաղթականներու նոր տագնապներ պիտի ստեղծեն դրացի պետութիւններուն մօտ:

Բանակը ռմբակոծեց Տէր Զորի մէջ   կայք հաստատած Տաաշի դիրքեր եւ հակադարձեց Համայի մէջ՝ ծայրայեղականներու յարձակումներուն: Բանակը ամրապնդեց Լաթաքիոյ կարգ մը շրջաններուն մէջ իր դիրքերը: Իսկ ամերիկեան օդուժը ռմբակոծեց   Այն Ալ Արապի մէջ Տաաշի դիրքերը: Մինչ այդ, Հոմս քաղաքին մէջ անձնասպանաական երկու գործողութիւններու հետեւանքով   մահացան աւելի քան 35 քաղաքացիներ: Վիրաւորոներուն թիւը բարձրացաւ 76-ի: Պայթումները խլեցին տասնեակէ աւելի դպրոցականներ՝   նախակրթարանի մը մօտ ըլլալու պատճառով:

Թուրքիա տակաւին երկդիմի յայտարարութիւններ կը կատարէ միջազգային զինակցութեան հետ իր գործակցութեան շուրջ: Ականատեսներ կը յայտնեն, թէ Տաաշ յաջողած է կարգ մը թուրք զինուորներ առեւանգել Սըլէյման շահի դամբարանին կից շրջաններու մէջ:

Ռուսիոյ արտաքին գործոց նախարարութիւնը ցաւ յայտնեց, որ ՄԱԿ-ի Ապահովութեան Խորհուրդի   69-րդ ընդհանուր նիստերուն զուգահեռ, Ժընեւի մէջ կայացող Մարդկային Իրաւունքներու պաշտպանութեան խորհրդաժողովներուն ընթացքին (8-26 Սեպտեմբեր),   Միացեալ Նահանգներ եւ Եւրոպական Միութիւնը չդատապարտեցին Սուրիոյ մէջ ծայրայեղական կազմակերպութիւններուն կատարած ոճիրները:

LEAVE A REPLY

Please enter your comment!
Please enter your name here