ՈՒԱՇԻՆԿԹԸՆ ԱՄԲՈՂՋԱԿԱՆ ՀԵՏԱՔՆՆՈՒԹՒԻՆ ՄԸ ԿԸ ՊԱՀԱՆՋԷ ԱՐԵՒԵԼԵԱՆ ՈՒՔՐԱՆԻՈՅ ՄԷՋ ՅԱՅՏՆԱԲԵՐՈՒԱԾ ԶԱՆԳՈՒԱԾԱՅԻՆ ԳԵՐԵԶՄԱՆՆԵՐՈՒՆ ՇՈՒՐՋ

0
146

Միացեալ Նահանգներու պետական քարտուղարութեան խօսնակ Ճեն Փսաքի ամբողջական եւ անմիջական հետաքննութիւն մը  պահանջեց Արեւելեան  Ուքրանիոյ  մէջ յայտնաբերուած զանգուածային  գերեզմաններուն շուրջ:  Նշենք, թէ Ռուսիոյ արտաքին  գործոց  նախարար Սերկէյ  Լաւրով  յայտարարած էր, թէ  Տոնեցքի  շրջանին մէջ, յայտնաբերուած են զանգուածային  գերեզմաններ,որոնցմէ կարելի եղած է դուրս բերել աւելի քան  չորս հարիւր  աճիւններ: Լաւրով  բացատրութիւն մը պահանջեց այս  զարհուրելի ոճիրներուն համար: Ուքրանիա  հերքեց  ոճիրներուն  մէջ   որեւէ դերակատարութիւն:

Միւս կողմէ, նախագահ  Վլատիմիր Փութին հեռախօսազրոյց մը ունեցաւ  Գերմանիոյ  վարչապետ  Անկելա Մերքէլ հետ եւ անընդունելի նկատեց Արեւելեան Ուքրանիոյ  ուղղութեամբ ռմբակոծումները:Վերջին  ժամանակաշրջանին Ուքրանիոյ բանակը աւելի  յաճախակի սկսած է ռմբակոծել Արեւելեան Ուքրանիոյ   տարածութիւնները:

ՆԱԹՕ-ի նոր   ընդհանուր քարտուղար   Ենս  Սթոլթենպըրկ  յայտարարեց, թէ Հիւսիսատլանտեան Դաշինքը  կառուցողական   յարաբերութիւններ կը փափաքի  մշակել Ռուսիոյ հետ: Ան միաժամանակ, Ուքրանիոյ  հարցին վերաբերեալ  յաւելեալ զիջումներ  պահանջեց  Մոսկուայէն:

LEAVE A REPLY

Please enter your comment!
Please enter your name here