ԱՊԱՀՈՎԱԿԱՆ, ՔԱՂԱՔԱԿԱՆ ԵՒ ԸՆԿԵՐԱՅԻՆ ՎԵՐԻՎԱՅՐՈՒՄՆԵՐՈՒ ՏԱԿ ԿՔԱԾ ՏՕՆԱԿԱՆ ՕՐԵՐ

0
126

Լիբանան, ապահովական, քաղաքական եւ ընկերային վերիվայրումներով կը դիմաւորէ Ատհայի տօնը: Այս պատճառով,  երկրորդ եւ  երրորդ իշխանութիւններու ներկայացուցիչները, ինչպէս նաեւ  իսլամ  կրօնապետերը   մերժեցին  ընդունիլ  տօնական օրերու աւանդական   շնորհաւորութիւնները:

Վարչապետ Թամամ Սալամ վարչապետարանին մէջ ընդունեց  Լիբանանի մօտ Միացեալ Նահանգներու դեսպան Տէյվիտ Հէյլը եւ  քննարկեց  լիբանանեան եւ շրջանային բեմերու զարգացումները:  Սալամ նաեւ ընդունեց երեսփոխաններ Մուհամմէտ Քապանին, Ժան Օղասապեանը եւ  այլ անձնաւորութիւններ:

Լիբանանեան բանակի   ընդհանուր  հրամանատար զօրավար Ժան Քահուաճի հաւաստեց, թէ  իր պաշտօնավարութեան ընթացքին ոչ  ոքի պիտի արտօնէ  անտեսել   զինուորական հաստատութեան մէջ  ծառայողներուն իրաւունքները:

Անվտանգութեան աղբիւրներու համաձայն, մտահոգիչ   իրավիճակ մը կը տիրէ  Թրիփոլիի  մէջ: Ոմանց կարծիքով, բանակին եւ ահաբեկչական կարգ մը  խմբաւորումներու (Շետի Մաուլաուի, Ուսամա Մանսուր)  միջեւ   ճակատումը   դարձած է անխուսափելի: Միւս կողմէ, ձմեռնամուտէն առաջ, Արսէլի մէջ  բախումներ կը  նախատեսուին բանակին եւ  ծայրայեղականներուն միջեւ:

Ընկերային հարցերու նախարար  Ռաշիտ Տըրպաս  հերքեց առեւանգուած բանակայինները   ահաբեկիչներու  հետ փոխանակելու մասին տեղեկութիւնները:  Ան ըսաւ, թէ  կառավարութեան տրամադրութեան տակ կը գտնուին   բազմաթիւ խաղաթուղթեր, սակայն այսօրուան դրութեամբ անոնց մասին խօսիլը կը  նկատէ աննպատակ::

Խորհրդարանի նախագահ Նեպիհ Պըրրի յայտարարեց, թէ  երկարաձգումը չէ վճռուած տակաւին: Պըրրի աւելցուց, թէ Հոկտեմբերի  երկրորդ  կէսին  օրէնսդիր  նիստի պիտի հրաւիրէ խորհրդարանը, որպէսզի  եզրակացուի աշխատավարձերու յաւելումներու թղթածրարը:

Մուսթաքպալ Հոսանքի անդամ, երեսփոխան   Ժամալ Ժարահ   հաւաստեց,թէ  գոյութիւն  չունի Միշէլ Աունը երկու տարուան  ժամանակամիջոցի համար  նախագահ  ընտրելու  նախաձեռնութիւն: Ան ըսաւ, թէ ոչ ոք կրնայ  հաւանութիւն  տալ նմանօրինակ առաջարկի մը,որ օրին մերժած էր Մուսթաքպալ Հոսանքը: Երեսփոխան   Աթէֆ  Մաժտալանի  նոյնպէս   հերքեց Ճոմպլաթի  նախաձեռնութեան մասին  տեղեկութիւնները, աւելցնելով որ Ուալիտ Ճոմպլաթ տակաւին կը գտնուի  չափաւորական դիրքերու վրայ:

Առ ի լուսաբանութիւն, պտոյտ ընող տարաձայնութիւններուն, Ընկերվար  Յառաջդիմական Կուսակցութեան  տեղեկատուութեան հարցերու  պատասխանատու Ռամի Ռէյս յայտարարեց, թէ Ուալիտ Ճոմպլաթ կը  փորձէ  փոխհասկացողութեան    յայտարար մը ստեղծել  քաղաքական ուժերուն միչեւ  եւ ոչ՝  երկու տարուան  ժամկէտի համար   նախագահ  ընտրել  Միշէլ Աունը:  Ռէյս  կտրականապէս անընդունելի   նկատեց երկու  տարուան  ժամանակամիջոցով նախագահ  ընտրելու սկզբունքը:

LEAVE A REPLY

Please enter your comment!
Please enter your name here