«Սարսափելի, Ողբերգական Իրադարձութիւններ». Թուրքիոյ Մօտ Միացեալ Նահանգներու Դեսպան

0
137

ԵՐԵՒԱՆ, «Փանորամա».– Թուրքիոյ մօտ Միացեալ Նահանգներու դեսպան Ճան Պաս, թրքական «Հիւրրիէթ» թերթին հետ ունեցած հարցազրոյցին ընթացքին՝ ի շարս այլ հարցերու, խօսած է նաեւ Հայոց Ցեղասպանութեան 100ամեակին ընդառաջ Ուաշինկթընի դիրքորոշման մասին:
Մասնաւորապէս պատասխանելով այն հարցումին, թէ Միացեալ Նահանգներ 2015 թուականին արդեօք մտադի՞ր է ճանչնալ «հայերու սպանութիւնները՝ որպէս Ցեղասպանութիւն», դեսպանը նկատել տուած է, որ Միացեալ Նահանգներ իր դիրքորոշումը բազմաթիւ անգամներ արտայայտած է նախորդ յայտարարութիւններուն մէջ:
«Այսօր ես կրնամ ըսել, որ 1915 թուականին սկսած սարսափելի ողբերգական իրադարձութիւններու եւ հանգամանքներու մասին մեր վարչակազմի դիրքորոշումը բաւական յստակ է: Անիկա կ՛արտացոլայ «հայերու յիշատակի օրերուն» կատարուած մեր յայտարարութիւններուն մէջ: Մենք կը շարունակենք հաւատալ, որ սարսափելի իրադարձութիւններու եւ սպանութիւններու ետին գտնուող փաստերու ամբողջական եւ անկեղծ ճանաչումը կը բխի Հայաստանի եւ Թուրքիոյ շահերէն: Մեր կարծիքով անիկա կարեւոր է նաեւ տարածաշրջանին մէջ փոխշահաւէտ յարաբերութիւններու եւ կայունութեան համար՝ անոնց կարգին նաեւ մեզի հետ», նշած է Ճան Պաս:

LEAVE A REPLY

Please enter your comment!
Please enter your name here