Գիւմրեցիները Սուգի Մէջ Են. Մեծագոյն Աղէտը 1988էն Ետք

0
163

ՍՏԵՓԱՆԱԿԵՐՏ, «Նի-ուզ».– 14 Յունուարի կանուխ առաւօտէն գիւմրեցիները սկսան այցելելու Սուրբ Նշան եկեղեցի՝ ցաւակցելու 12 Յունուարին սպաննուած Աւետիսեաններու ընտանիքի 6 անդամներու հարազատներուն եւ յարգանքի տուրք մատուցելու անոնց յիշատակին:
Գիւմրեցիներուն եկեղեցի հոսքը դադար չունէր. բոլորը եկեղեցիէն դուրս կու գային արցունքոտ աչքերով: Ընտանեկան ողբերգութիւնը աննախընթաց է Գիւմրիի համար. գիւմրեցի ամուսինները «Նիուզ»ի հետ ունեցած զրոյցին ընթացքին կատարուածը նկատեցին 1988ի երկրաշարժէն ետք արձանագրուած ամէնէն ողբերգական դէպքը։
Եկեղեցւոյ բակին մէջ կային մեծաթիւ ծաղկեպսակներ՝ կազմակերպութիւններու, պաշտօնեաներու, պատգամաւորներու, ինչպէս նաեւ քաղաքացիներու կողմէ յղուած:
Աւետիսեաններու քաղաքացիական հոգեհանգիստը տեղի ունեցաւ 14 Յունուարին՝ ժամը 18:00ին: Սգոյ Ս. պատարագը մատուցանեց Հայ առաքելական եկեղեցւոյ Շիրակի թեմի առաջնորդ Միքայէլ եպս. Աջապահեան, իսկ յուղարկաւորութիւնը պիտի կատարուի 15 Յունուարին, ժամը 14:00ին:

LEAVE A REPLY

Please enter your comment!
Please enter your name here