Հայոց Ցեղասպանութիւնը Բիծ մըն է Մարդկութեան Ճակտին. Սալըհ Զահր Ալ Տին

0
169

Տօքթ. Սալըհ Զահր Ալ Տին, պատմաբան, Լիբանանի համալսարանի պատմութեան եւ զբօսաշրջութեան դասախօս, Լիբանանի գրողներու միութեան եւ Արաբական պետութիւններու լիկայի պատմաբաններու միութեան անդամ:  2003-թ.ին արժանացած է Լիբանանի Հանրապետութեան Ազգային արժանիքներու շքանշանին:

Երեւանի մէջ յատուկ հարցազրոյցի մը ընթացքին  ըսած է լիբանանցի փորձագէտ Ալ Տինը, որ «1915 թ.ի Հայոց ցեղասպանութիւնը կը համարուի ամենամեծ ոճրագործութիւններէն մէկը եւ բիծ մը մարդկութեան ճակտին  վրայ, Թուրքիան պէտք է պաշտօնապէս ճանչնայ  այդ յանցագործութիւնը»,  ան աւելցուցած է, որ «Մարդկութիւնը Թուրքիոյ ժողովուրդին դէմ չէ, այլ իշխանութիւններուն դէմ, որ իրագործած է այդ նողկալի մեղքերը 1915թ.ին», կոչ ուղելով Թուրքիոյ կառավարութեան, «Թուրքիոյ կառավարութիւնը պէտք է փակէ անցեալի էջը եւ նոր էջ բանայ, Հայոց ցեղասպանութիւնը ճանչնալով»:

Ալ Տինի խօսքով, ԱՄՆ-ի մէջ թրքական լոպին ծայրահեղ ճնշումներ կ’իրականացնէ Ուաշինկթընի վրայ,  որ Միացեալ նահանգներու մէջ Հայոց ցեղասպանութիւնը չճանչնան:

Ան կը հաւատայ, որ «Հայոց հարցը օրինական հարց է, ողջ մարդկութեան խնդիրն է, եւ ես մինչեւ կեանքիս վերջին շունչը պիտի հոգ տանիմ այս հարցին», այս բառերով եզրափակած է հարցազրոյցը լրագրողներուն հետ:

Ալ Տին, ցեղասպանութիւններու վերաբերեալ 15  գիրքերու հեղինակ է:

2013թ.ին Հայոց ցեղասպանութեան 98-ամեակին առիթով, Այնճառի Կրթական յանձնախումբը կազմակերապած է Հայոց հարցի եւ Հայոց ցեղասպանութեան մասին դասախօսութիւն, ուր դասախօսեց   Տօքթ, Սալըհ Զահր Ալ Տին:

Երեկոյին բացման խօսքով հանդէս եկած է Կարօ Փիլաւճեան , ներկայացնելով Ալ Տինի կենսագրութիւնը եւ Հայոց ցեղասպանութեան մասին հետազօտութիւնները: Երեկոյի աւարտին Այնճարի քաղաքապետ Կարօ Փամպուքեան փորձագէտին յանձնած  է յուշանուէր,  առ ի գնահատանք Հայոց ցեղասպանութեան եւ հայկական հարցին վերաբերեալ իր թափած ջանքերուն:

LEAVE A REPLY

Please enter your comment!
Please enter your name here