Տանն Կիլիկիոյ Կաթողիկէ Հայոց Կաթողիկոս-Պատրիարք Ներսէս Պետրոս ԺԹ Թարմունին` ՀՀ Սփիւռքի Նախարարութեան Մէջ

0
162

ՀՀ սփիւռքի նախարար Հրանոյշ Յակոբեան ընդունեց Տանն Կիլիկիոյ Կաթողիկէ Հայոց Կաթողիկոս-Պատրիարք Ներսէս Պետրոս ԺԹ Թարմունին:

Կողմերը անդրադարձան Հայոց ցեղասպանութեան 100-րդ տարելիցի ձեռնարկները համակարգող պետական յանձնաժողովի ընդունած համահայկական Հռչակագիրի դրոյթներուն եւ ատոնց պատմական նշանակութեան: Կարեւոր համարուեցաւ յատկապէս այն փաստը, որ Հռչակագիրը Ծիծեռնաբերդի յուշակոթողին մօտ ընթերցեց անձամբ ՀՀ Նախագահ Սերժ Սարգսեան, ինչով աւելի շեշտուեցաւ փաստաթուղթի համազգային արժէքը:

Ամենապատիւ տէրն իր գոհունակութիւնը յայտնեց Սփիւռքի նախարարութեան հայապահպան գործունէութեան համար առհասարակ եւ մասնաւորապէս շեշտեց Սփիւռքի մէջ հայ ինքնութեան պահպանման ուղղուած ծրագիրներու եւ ձեռնարկներու կարեւորութիւնը: Հոգեւոր տէրն ըսաւ. «Դուք միշտ արթուն էք, սփիւռքի կարիքները հոգալու համար»: Կաթողիկոս պատրիարքը կարեւոր նկատեց յատկապէս Սփիւռքի մէջ կրթօճախներու գոյութիւնն ու գործունէութիւնը, նշեց, որ առանց հայոց լեզուի եւ դպրոցի անհնար է պահպանել հայկականութիւնը օտար միջավայրի մէջ:

Սփիւռքի նախարարը շնորհակալութիւն յայտնեց  պատուարժան հիւրին այցելութեան  եւ սերտ համագործակցութեան համար,  բարձր գնահատեց Հայոց Կաթողիկէ Եկեղեցւոյ արդիւնաւէտ գործունէութիւնը հայ մշակոյթի պահպանման ու զարգացման գործին մէջ, նշեց, որ կաթոլիկ հոգեւորականներն ամենուրէք իրենց խօսքով ու գործով հայկական  շունչ ու ոգի կը փոխանցեն սփիւռքահայերուն: Նախարարը  նշեց, որ պատրիարքարանը կրնայ օժանդակել` ընդլայնելու նախարարութեան հայրենաճանաչութեան, մայրենիի ու ազգային ինքնութեան պահպանմանը ուղղուած ծրագիրներուն` սփիւռքահայ երիտասարդներու առաւել աշխոյժ մասնակցութիւն ընդլայնելու գործին մէջ:

Կողմերն անդրադարձան 2015թ. Զմմառի վանքին մէջ կայանալիք գիտաժողովին, ուր պիտի ներկայացուին հետազօտութիւններ Վատիկանի, Միջին Արեւելքի երկիրներու, Ամերիկեան երկիրներու արխիւներուն մէջ պահպանուած եւ Հայոց ցեղասպանութեան առնչուող նիւթերու վերաբերեալ: Քննարկուեցան գիտաժողովի կազմակերպման հետ կապուած հարցեր:

Անդրադարձ եղաւ նաեւ Ապրիլ 12-ին Վատիկանի Սուրբ Պետրոսի տաճարին մէջ  Հռոմի Ֆրանսիսկոս պապի` Հայոց ցեղասպանութեան 100-րդ տարելիցին նուիրուած սուրբ պատարագ մատուցանելուն առնչուող հարցերու:

LEAVE A REPLY

Please enter your comment!
Please enter your name here