Թուրք Պատգամաւորը ԱԳՆ-ի Օրացոյցին Մէջ Ցեղասպանութեան Յուշարձանի Տեղակայման Հարցը Բարձրացուցած Է Խորհրդարան

0
109

Թուրքիոյ Ժողովրդահանրապետական կուսակցութեան (CHP) պատգամաւոր Օսման Քորութիւրքը երկրի ԱԳ նախարար Մեւլութ Չաւուշօղլուին  հարցապնդում ներկայացուցած է  Հայոց ցեղասպանութեան յուշարձանի լուսանկարը ԱԳՆ-ի օրացոյցին մէջ տեղադրելու մասին եւ հարցը Թուրքիոյ ազգային մեծ ժողովի օրակարգին բերած: Այս մասին կը գրէ Tert.am-ը:

Այս մասին կը տեղեկացնէ կուսակցութեան կայքը, պատգամաւորը, մասնաւորապէս, նշած է, որ Հայաստանի Հանրապետութիւնը, հայկական սփիւռքը Թուրքիոյ դէմ արշաւ  սկսած են եւ  կեդրոնացած Ապրիլ 24-ի վրայ, գերատեսչութեան օրակարգին մէջ այդ լուսանկարի տեղակայումը արդեօ՞ք այդ աշխատանքներուն հակադարձելու քայլերու հետ որեւէ կապ ունի:

Քորութիւրքը անդրադարձած է նաեւ ՀՀ նախագահ Սերժ Սարգսեանին ուղղուած Ռէճէպ Թայիպ Էրտողանի հրաւէրին ու հարցուցած. «Ապրիլ 24-ին պետութիւններու ու կառավարութիւններու ղեկավարներուն ուղղուած հրաւէրով անոնց Հայաստանի ու Թուրքիոյ հրաւէրներուն միջեւ ընտրութիւն ընելուն դրդելը մեր ազգային շահերուն կը հակասէ, ատիկա Արտաքին գործոց նախարարութիւնը չէ՞ր կանխատեսած եւ նախագահին այդ առումով չէ՞ր զգուշացուցած»:

Պատգամաւորը նաեւ հետաքրքրուած է, թէ Ապրիլ 24-ին Հայաստանի ու Սփիւռքի արշաւներուն դիմագրաւելու համար ԱԳՆ-ը ի՞նչ աշխատանքներ կ’իրականացնէ: Արդեօ՞ք օրացոյցին պէս այլ անակնկալներ հնարաւոր են:

Յիշեցնենք, որ Թուրքիոյ արտաքին գործոց նախարարութիւնը, Hurriyet-ի փոխանցմամբ, «սխալմամբ» հրապարակած է Հայոց ցեղասպանութեան յուշահամալիրի լուսանկարը իր պաշտօնական օրացոյցին մէջ, որ պատրաստուած էր Չանաքքալէի ճակատամարտի հարիւրամեակի նշանաւորման առիթով:

 

LEAVE A REPLY

Please enter your comment!
Please enter your name here