Հայաստանի Մէջ Բնակչութեան Թիւը Նուազած Է 6500ով

0
149

ԵՐԵՒԱՆ, «Արմէնփրէս».– Հայաստանի մէջ 2015 թուականի սկիզբը մնայուն բնակչութեան թիւը հանդիսացած է 3 միլիոն 10 հազար 600 մարդ, նախորդ տարուան 3 միլիոն 17 հազար 100ի փոխարէն: Այս կը նշանակէ, որ մէկ տարուան մէջ բնակչութեան թիւը նուազած է 6500ով:
Լրագրողներուն հետ ունեցած հանդիպումին ընթացքին այս մասին յայտնած է Հայաստանի ազգային վիճակագրական ծառայութեան (ԱՎԾ) մարդահամարի եւ ժողովրդագրութեան բաժինի պետ Կարինէ Գույումջեանը: Ան նշած է, որ միայն Երեւանի մէջ արձանագրուած է բնակչութեան թիւի շատ չնչին աճ:
«Բնակչութեան ընդհանուր թուաքանակը նուազել է այն պարագայում, երբ գրանցուել է բնակչութեան բնական յաւելաճ: 2014 թուականին բնական յաւելաճը կազմել է 15,300 մարդ: Այսինքն, բնակչութեան թուաքանակի նուազումը եղել է մեխանիկական տեղաշարժ՝ միգրացիա: Բացի Երեւան քաղաքից բոլոր մարզերում նկատուել է բնակչութեան նուազում», դիտել տուած է ան:
Գույումջեան ներկայացուցած է նաեւ Հայաստանի տարածք ճամբորդներու մուտքերը եւ ելքերը՝ արձանագրելով, որ 2014 թուականի Յունուար-Դեկտեմբեր ամիսներուն հանրապետութիւն մուտքերը կազմած են 2 միլիոն 274 հազար 596, իսկ ելքերը՝ 2 միլիոն 776 հազար 268: «Արդիւնքում մուտքերի եւ ելքերի հաշուեկշիռը եղել է բացասական՝ կազմելով 41 հազար», նշած է ԱՎԾի ներկայացուցիչը:

LEAVE A REPLY

Please enter your comment!
Please enter your name here