Պոլսոյ Մէջ Ցեղասպանութեան Նուիրուած Շարք Մը Ցուցադրութիւններ Տեղի Պիտի Ունենան

0
171

Հայոց ցեղասպանութեան 100-րդ տարելիցին ընդառաջ` Պոլսոյ Տեփօ մշակոյթի եւ արուեստի կեդրոնը կը կազմակերպէ  քանի մը ցուցադրութիւն Օսմանեան կայսրութեան տարբեր քաղաքներու մէջ սպաննուած կամ օճախները սպիտողաբար լքած ընտանիքներու մասին: Այս մասին կը գրէ armeniangenocide100.org կայքը:

Առաջին`«Հայկական ընտանեկան պատմութիւններ եւ կորուսեալ բնապատկերներ» ցուցադրութիւնը բաղկացած է Հելէն Շիհանի կողմէ իրականացուած ուսումնասիրութենէն եւ լուսանկարներէն, որ կը պատմէ երեք ընտանիքներու մասին, որոնք ներկայիս կ’ապրին հայկական սփիւռքի մէջ:

Ցուցադրութիւնը արդէն բաց է Սթամպուլի Թոֆանէ թաղամասին մէջ, կը փոխանցէ թրքական Today’s Zaman պարբերականը:

Իռլանտացի նկարչուհի Շիհան սկսած է հետաքրքուիլ այս թեմայով, երբ 1990-ականներուն կը դասաւանդէր Վենետիկի Սբ. Ղազար կղզիի հայկական Մխիթարեան միաբանութեան դպրոցին մէջ: 2009-ին ան սփիւռքի հայութեան մասին ուսումնասիրութիւն իրականացուց, եւ Փարիզի ու Լոնտոնի մէջ գտաւ այս ընտանիքներու անդամները:

Այս մասին կը բացատրէ Տեփօ կեդրոնի ծրագիրներու ղեկավար Ասենա Կիւնալ, ցուցադրութեան նպատակն է հայ ժողովուրդի կորած անցեալը ներկայացնելը:

«Մենք կը փորձենք ցոյց տալ մարդոց պատմութիւնները եւ վստահ ենք, որ սա աւելի արդիւնաւէտ է, քան թիւեր կամ փաստեր ցոյց տուող փաստաթուղթերը: Սա շատ կարեւոր տարի է, քանի որ կը լրանայ ցեղասպանութեան 100-ամեակը: Ուստի մենք կը ցուցադրենք ոչ միայն սփիւռքի մէջ ստեղծագործող հայերու աշխատանքները, այլեւ թուրք արուեստագէտներունը»,- ըսած է Կիւնալ:

LEAVE A REPLY

Please enter your comment!
Please enter your name here