Ֆաթիհ Աքըն Իր «Սպի» Ֆիլմը Կը Ներկայացնէ Մոսկուայի Մէջ

0
149

Ազգութեամբ թուրք գերմանաբնակ բեմադրիչ Ֆաթիհ Աքըն այսօր Մոսկուայի մէջ կը ներկայացնէ իր նոր «Սպի» (The Cut) ֆիլմը, որ ներառուած է 71-րդ վենետիկեան ֆիլմի փառատօնին, կը գրէ Artsakhpress-ը:

РИА Новости-ի փոխանցմամբ` Ֆիլմի նկարահանումներուն մասնակցած է 7 երկիր` Գերմանիա, Ֆրանսա, Իտալիա, Գանատա, Լեհաստան, Թուրքիա եւ Ռուսաստան: Ռուսական կողմի արտադրողներն են Ռուբէն Դիշդիշեան եւ Արամ Մովսէսեան:

Ֆիլմը կը պատմէ 1915-ի իրադարձութիւններուն մասին: Հայոց ցեղասպանութեան ընթացքին գլխաւոր հերոս Նազարէթ Մանուկեան կը կորսնցնէ ընտանիքը: Տարիներ անց կ’իմանայ, որ իր երկուորեակ աղջիկները, հնարաւոր է, ողջ են: Նազարէթ կը սկսի անոնց որոնել եւ հայրենի Մարտին գիւղէն կը հասնի մինչեւ Հաւանա եւ Հիւսիսային Տակոտա:

«Ես ֆիլմին վրայ աշխատած եմ 7 տարի: Ես չեմ ստեղծած ֆիլմ ցեղասպանութեան մասին: Ընդամէնը կը պատմեմ  հայ մարդու մը պատմութիւնը, որ որեւէ բան չէր գիտեր քաղաքականութեան մասին: Ես սկսայ այս ճանապարհորդութիւնը` ինքինքիս  հարց մը տալով` կը կարենա՞յ այս ֆիլմը դառնալ կամուրջ, կը կարենա՞յ միաւորել բոլոր անոնց, որոնք կ’ընդունեն կամ չեն ընդուներ Թուրքիոյ մէջ տեղի ունեցած ցեղասպանութիւնը»,- ըսած է բեմադրիչը:

Ֆիլմին վրայ աշխատած է ազգութեամբ հայ սենարիստ Մարտիկ Մարտինը: Ֆիլմը ռուսական վարձոյթին կը յայտնուի Փետրուար 19-ին:

LEAVE A REPLY

Please enter your comment!
Please enter your name here