Հայաստանէն Ուղիղ Չուերթներ Պիտի Իրականացուին Դէպի Քիւրտիստան

0
145

Յաջորդ շաբթուընէ  Հայաստանէն ուղիղ չուերթներ պիտի սկսին դէպի Հիւսիսային Իրաքի Քիւրտիստանի ինքնավարութեան մայրաքաղաք էրպիլ:

Այս մասին կը գրէ Մետիամաքս-ը` յղում կատարելով «Հորիզոն» շաբաթաթերթին, այս մասին Քիւրտիստանի ինքնավարութեան արտաքին գործոց նախարար Ֆալահ Մուսթաֆայի հանդիպման ընթացքին  ըսած է Իրաքի մէջ Հայաստանի դեսպան Կարէն Գրիգորեան:

Պարբերականի փոխանցմամբ, Քիւրտիստանի ինքնավարութիւն կատարած իր առաջին այցի ժամանակ Կարէն Գրիգորեան յայտարարած է, որ Էրպիլի մէջ Հայաստանի հիւպատոսութիւն բանալու առաջարկը արդէն հաստատուած է:

Դեսպանի խօսքերով, Հայաստանի կառավարութիւնը յանձնառու է Քիւրտիստանի ինքնավարութեան հետ յարաբերութիւններու պահպանման եւ ամրապնդման: Դեսպանը յոյս  յայտնած է, որ կողմերու միջեւ ուղիղ չուերթներու իրականացումը   պիտի   խթանէ   Հայաստանի եւ Քիւրտիստանի միջեւ տնտեսական եւ մշակութային
փոխանակումները:

Զրուցակիցները քննարկած են նաեւ անվտանգութեան եւ մարդասիրական ճգնաժամի պատճառով Քիւրտիստանի առջեւ ծառացած մարտահրաւէրները:

Մետիամաքս-ը կը յիշեցնէ, որ անցեալ տարի Դեկտեմբերին Հիւսիսային Իրաքի Քիւրտիստանի ինքնավար հատուածին մէջ հայերէնը ճանչցուած  էր ինքնավարութեան պաշտօնական լեզուներէն մէկը:

LEAVE A REPLY

Please enter your comment!
Please enter your name here