“Հայերու Ներկայութիւնը Իտալիոյ Մէջ 1915-2000թթ.” Գիրքի Շնորհանդէսը` Վենետիկի Մէջ

0
131

Վենետիկի մէջ Յունուար 30-ին կայացած է Իտալիոյ հայերու միութեան նախկին նախագահ, Միլանի ու Թրենթոյի համալսարաններու ընկերաբանութեան դասախօս, փրոֆէսոր Յակոբ Մանուկեանի “Հայերու ներկայութիւնը Իտալիոյ մէջ 1915-2000թթ.” գիրքի շնորհանդէսը: Այս մասին կը տեղեկացնէ ԱԳ նախարարութեան տեղեկատութեան եւ մամլոյ ծառայութիւնը:

Ձեռնարկին ելոյթ ունեցած է Իտալիոյ մէջ ՀՀ դեսպան Սարգիս Ղազարեանը: Ան իր խօսքին մէջ մեծապէս կարեւոր համարած է գիրքի հրատարակումը` այն համարելով լուրջ ներդրում իտալահայ համայնքի կեանքը ներկայացնող փաստագրական գրականութեան մէջ: Դեսպան Ղազարեանը նկատած է, որ փրոֆէսոր Յակոբ Մանուկեանի “Հայերու ներկայութիւնը Իտալիոյ մէջ 1915-2000թթ.” գիրքը հրատարակուած է Հայոց ցեղասպանութեան 100-րդ տարելիցի նախաշեմին եւ մանրամասն կը պատկերէ Իտալիոյ մէջ ապաստան գտած, Ցեղասպանութիւնը վերապրածներու կեանքը:

Դեսպանը անդրադարձած է իտալահայ համայնքի 20-րդ դարու պատմութեան` զայն դիտարկելով որպէս կարեւորագոյն ներուժ Հայաստանի եւ Իտալիոյ միջեւ երկկողմ յարաբերութիւններու ամրապնդման համար: Դեսպանը խօսած է նաեւ 20-րդ դարու Իտալիոյ Հանրապետութեան զարգացման գործին մէջ իտալահայ հասարակական գործիչներու աւանդի մասին:

Ելոյթներ ունեցած են Վենետիկի քաղաքապետարանի մշակութային վարչութեան տնօրէն Ռոպերթօ Էլլերոն, թղթակից Էտուարտօ Փիթալիսը եւ գիրքին հեղինակ Յակոբ Մանուկեանը:

Իտալիոյ մէջ ՀՀ դեսպանութեան հովանաւորութեամբ կայացած շնորհանդէսը, որուն ներկայ եղած են Վենետիկի քաղաքապետարանի, հասարակական շրջանակներու եւ հայ համայնքի ներկայացուցիչներ ու լրագրողներ, կազմակերպուած էր Հայկական մշակոյթի ուսումնասիրութեան եւ վաւերագրման Վենետիկի կեդրոնին կողմէ:

LEAVE A REPLY

Please enter your comment!
Please enter your name here