Տիգրան Մանսուրեանի Ստեղծագործութիւնը Պիտի Հնչէ Պոլսոյ Փառատօնին

0
187

ԵՐԵՒԱՆ, «Թերթ».- Պոլսոյ Մշակոյթի ու արուեստի հիմնարկին կողմէ կազմակերպուող Պոլսոյ 43րդ երաժշտական փառատօնը տեղի պիտի ունենայ 31 Մայիսէն 29 Յունիս. այս մասին կը տեղեկացնէ «Սի.Էն.Էն. Թիւրք»ը։
Պոլսոյ մէջ տեղի ունեցած մամլոյ ասուլիսին ընթացքին փառատօնի տնօրէն Եշիմ Քիւրեր Օյմաքը նշած է, որ փառատօնին ընթացքին երաժշտասէրները սիմֆոնիկ համերգներու հարուստ ընտրանի մը պիտի ունենան։
Փառատօնին ընթացքին պիտի հնչեն նաեւ հայ յայտնի երգահան Տիգրան Մանսուրեանի գործերը:
«Մանսուրեան գրեթէ 1000 տարուան պատմութիւն ունեցող հայկական երաժշտութեան արդի տարրերն ու հին աւանդոյթները միաւորող թեքնիք ու երաժշտական գիտելիքներ ունի, ինչ որ զայն կը դարձնէ մեր օրերու ամէնէն իւրայատուկ հեղինակներէն մէկը: Ալտի եւ դաշնամուրի համար գրուած անոր ստեղծագործութեան անդրանիկ ներկայացումը տեղի պիտի ունենայ 10 Յունիսին՝ Սուրբ Որդւոց եկեղեցւոյ մէջ:
Յոյսով ենք՝ այդ ստեղծագործութիւնը 1915ին մեր հայ եղբայրներուն ապրած ողբերգութեան ու կորուստները միասնաբար յիշատակելու համար առիթ կը դառնայ», յայտնած է ան։

LEAVE A REPLY

Please enter your comment!
Please enter your name here